گەنناديي گولوۆكيننىڭ استانادا وتكەن باسپا ءسوز ءماسليحاتى ەلورداداعى تىلشىلەردىڭ مانساپ جولىنداعى ەڭ ءبىر ەرەكشەسى بولعان شىعار. اتى اڭىزعا اينالعان بوكسشىمەن جۇزدەسىپ، سۇراقتار قويىپ، وعان جاۋاپ ەستىگىسى كەلگەندەر كوپ بولدى. مۇنى ءتىپتى تىلشىلەر عانا ەمەس، كەزدەسۋ زالىنا لىقا تولعان ادامداردىڭ ءارقايسىسى دا قالاعان شىعار. الايدا، اقپارات اگەنتتىكتەرى بۇل باسپا ءسوز ءماسليحاتىنان سۇمدىق دەلىنگەن حابار شىعارا المادى. «قامشى» پورتالى سپورتشىنىڭ Tengrinews.kz جانە Vesti.kz سايتتارىنىڭ جۋرناليستەرىنە بەرگەن ەكسكليۋزيۆتى سۇحباتىن نازارلارىڭىزعا ۇسىنادى.
TENGRINEWS: گەنناديي، باسپا ءسوز ءماسليحاتىندا سىزگە IBF مىندەتتەگەن كەلەسى قارسىلاسىڭىز دومينيك ۋەيد جايلى سۇراق قويىلدى. ءبىراق ءسىز ونىڭ كىم ەكەنىن دە بىلمەيتىنىڭىزدى ايتتىڭىز. ءسىز شىن مانىندە ونىڭ كىم ەكەنىن بىلمەيسىز بە، الدە ءتىلشىنىڭ سۇراعىن دۇرىس تۇسىنبەدىڭىز بە؟ الدە IBF-تىڭ ءسىزدى ونىمەن جۇدىرىقتاسۋعا مىندەتتەگەنى جايلى مالىمەت شىندىققا جاناسپاي ما؟
گەنناديي گولوۆكين:
شىندىققا جاناسا ما، جوق پا - ونى ايتا المايمىن. بۇدان حابارىم جوق. ەگەر ماعان تەلەفون سوعىپ، "گەنناديي، بۇل IBF-تەن، ءبىز سىزگە قارسى شىعاتىن ۇمىتكەردى اۋىستىردىق" دەسە... ول قارسىلاس ەمەس، ول ۇمىتكەر. بەلگىلى ءبىر رەيتينگ بار. بۇل رەيتينگتە ءبىرىنشى تۇردى ما... ەسكە سالىپ جىبەرىڭىزدەرشى؟ دجونس، دجونسون.
TENGRINEWS: تۋرەانو دجونسون.
گ. گولوۆكين:
ءيا. ەستۋىمشە، ول جاراقات الىپتى. كەلەسىسىنىڭ كىم بولاتىنىن بىلمەيمىن. مۇمكىن اتى اتالىپ جاتقان جىگىت شىعار.
TENGRINEWS: باسپا ءسوز ءماسليحاتىنان ءبىر تۇسىنگەنىمىز، كوروبوۆپەن دە كەلىسسوز جۇرگىزىلمەگەن بە؟ سەبەبى ول دا كەزدەسۋگە كەلىسىپ وتىرعانىن مالىمدەپ ۇلگەردى.
گ. گولوۆكين:
كەلىسىم بەردى؟ بوكس الەمىن ەلەستەتىپ كورىڭىزدەرشى. قانشاما ادام كەلىسىم بەرەدى!
TENGRINEWS: ءبىراق ءسىز تۋرالى مالىمەتتىڭ نەگىزگى بولىگى شەتەل اقپارات قۇرالدارىنان كەلەدى. سىزدەردە شىن مانىندە نە بولىپ جاتقانىن ءبىلۋ قيىنداۋ.
گ. گولوۆكين:
ماتۆەي كوروبوۆتىڭ ساپتا ەكەنىنە، جۇدىرىقتاسۋعا دايىن ەكەنىنە قۋانىشتىمىن. ونىمەن تانىستىعىم بار، سوندىقتان قۋانىشتىمىن. جاقسى جىگىت، جاقسى سپورتشى. ونىڭ ساپتا ەكەندىگىنە قۋانىشتىمىن، سەبەبى ونىڭ جەڭىلىستەرى دە، جەڭىستەرى دە بولدى.
TENGRINEWS: جىلدىق جوسپارلارىڭىزداعى كوپ ايتىلعانى - ساۋل الۆارەسكە قارسى جەكپە-جەك. وسى جايلى تولىعىراق بىلگىمىز كەلىپ وتىر. الۆارەس سىزدەن "قاشىپ ءجۇر" - كومانداسى ءتۇرلى ايلا-شارعى جاساپ ءجۇر، بەلگىلى ءبىر شارتتارىن قويماقشى. وسى جەكپە-جەك ءۇشىن بارىنە دە دايىنسىز با؟ سالماق قۋۋ، گونورار، جەكپە-جەكتى وتكىزۋ ورنى؟ مەكسيكادا جۇدىرىقتاسۋعا دايىنسىز با؟ ەگەر الۆارەس وسىلاي قاشىپ جۇرە بەرەتىن بولسا قانشا كۇتۋگە دايىنسىز؟
گ. گولوۆكين:
جوق، مەنىڭشە، بۇل ونىڭ شارتتارى نەمەسە ويلارى ەمەس. بۇل ونىڭ ويلارى ەمەس. بۇل مەنەدجمەنتتىڭ ويلارى، ونىڭ ءپروموۋشنىنىڭ ويلارى. وسىلايشا ولار ءوز جىگىتىن جارنامالايدى، وسىلايشا ءوز كومپانيالارىن جارنامالايدى. وسىلايشا وزدەرىن مىقتى قىلىپ كورسەتكىسى كەلەدى... ال بۇل جەكپە-جەك وتەدى! بۇل ءپيار-جۇرىس، ولار مەنىڭ ءتىپتى دە تەگىن جۇدىرىقتاساتىنىمدى جانە تاعى سول سياقتى ءبىر جاعدايلاردى ايتۋى مۇمكىن. ياعني مۇنىڭ بارلىعى كومپانيالارىنىڭ ءپيار-جۇرىسى.
TENGRINEWS: سوندا بۇل ماسەلەدە ءسىزدىڭ ۇستانىمىڭىز قانداي؟
گ. گولوۆكين:
ناعىز ۇستانىم. ەگەر قالاسا، جۇدىرىقتاسامىز. سەبەبى مەن دايىنمىن.
TENGRINEWS: 155 فۋنتقا دەيىن تۇسۋگە دايىنسىز با؟
گ. گولوۆكين:
ءبىز قانداي سالماق جايلى ايتىپ وتىرمىز جالپى؟ مەن بىلمەيدى ەكەنمىن...
TENGRINEWS: 155 فۋنت سالماعى، بۇل جايىندا الۆارەستىڭ كومانداسى سىزبەن جەكپە-جەك وتكىزۋىنىڭ شارتى رەتىندە ايتىپ وتىر.
گ. گولوۆكين:
سىزدەردە ونىڭ ءپروموۋشنى جاساپ وتىرعان ءپيار-جۇرىسى جانە شيەلەنىس جاساعان مالىمەتتەرى عانا بار.
TENGRINEWS: ياعني جەكپە-جەك 160 فۋنتتا عانا بولا ما؟
گ. گولوۆكين:
ءيا. ەرەجە بار.
TENGRINEWS: جالپى الۆارەسپەن قارىم-قاتىناستارىڭىز قالاي؟ ول رينگتە كەزدەسكەن كەزدەرىڭىزدە ۇزىلەتىن دوستىق جايلى ايتىپ قالدى. دوسسىزدار ما؟
گ. گولوۆكين:
قاراپايىم قارىم-قاتىناس. ادامگەرشىلىك قارىم-قاتىناس. رينگكە شىقساق، كاسىبي سپورتشى بولاتىنىمىز بەلگىلى. ءبىز جاۋ بولمايمىز، ءبىز كاسىبي سپورتشى بولامىز.
TENGRINEWS: WBC ساياساتى جونىندەگى ۇستانىمىڭىزدى بىلسەك دەپ ەدىك. بۇكىلالەمدىك بوكس كەڭەسىنىڭ بەلگىلى ءبىر ماعىنادا "وزدەرىنە جاعاتىن" ادامدارىن لوببيلەۋى تۋرالى دا ايتىلىپ قالدى - الۆارەستىڭ جاعدايىندا دا وسىلاي، وعان ارالىق سالماقتاردا تيتۋلىن قورعاۋعا مۇمكىندىك بەرۋ نەمەسە تيتۋلدى قورعاپ قالۋىن كەيىنگە شەگەرۋ جاعدايى. بۇعان قارسى شىعۋعا بولا ما؟ جالپى قارسى شىعۋدىڭ قاجەتى بار ما؟
گ. گولوۆكين:
بىلمەيتىندەر عانا سىنايدى. مالىمەتى جوقتار عانا سىنايدى. بارلىعى بەرىلگەن رۇقساتتىڭ اياسىندا. مۇنىڭ ءبارىن قۇقىق جونىندە تۇسىندىرۋگە بولادى.
TENGRINEWS: سوندا بولىپ جاتقاننىڭ بارلىعى ءادىل مە؟
گ. گولوۆكين:
ءيا. بىلمەيتىندەر عانا سىنايدى. مۇنى بىلمەيتىن، جاعدايدان حابارى جوق ادامدار، ول ادامدى بىلمەيتىندەر، جاعداي جايلى مالىمەتى جوقتار. ولار تەك نەگاتيۆ جايلى ايتادى، سوسىن ونى جازادى، بۇل - ۇيات.
TENGRINEWS: ال مۇنىڭ ءجاي عانا شيەلەنىستىرۋ ەكەنىن قايدان بىلۋگە بولادى؟ قازاقستاندا شىن مانىندە ءسىزدىڭ جاعدايىڭىز جايلى مالىمەت وتە از.
گ. گولوۆكين:
ءيا، كەلىسەمىن.
TENGRINEWS: گەنناديي گولوۆكينمەن كەزدەسۋ جايلىسى از.
گ. گولوۆكين:
ودان دا از.
TENGRINEWS: باسپا ءسوز ءماسليحاتتارىندا دا ءوز ىستەرىڭىز جايلى جەتكىلىكتى دەگەندەي...
گ. گولوۆكين:
نۇسقا.
TENGRINEWS: ۇستامدى.
گ. گولوۆكين:
مەن ءتۇسىندىرىپ بەرەيىن. مىناداي ءبىر ماسەلە بولعان: ءبىر بلوگەر ءبىر نارسە كورىپ، ءبىر نارسە ايتقان ەكەن. ياعني ناقتى ەشتەمەسى جوق، شامالاپ، تۇسپالداپ. ماعان ناقتى سۇراقتاردىڭ قويىلعانى ۇنايدى، ءىس بويىنشا قويىلاتىندارى. ماعان كاسىبيلىك ۇنايدى. تىلشىلەرمەن وسىنداي كەزدەسۋلەر نەگە بولمايدى؟ تاعى ءبىر كەزدەسۋ جاساپ، بالالىق شاعىمدا قانداي مۋلتفيلمدەردى كورگەنىم جايلى اڭگىمەلەۋ ماعان تۇك تە قىزىق ەمەس. ناقتى بولۋى كەرەك. مەن كاسىبي بوكستىڭ وكىلىمىن. ءيا، مەن قازاقستان ازاماتىمىن، جەكە ءومىرىم بار. الەۋمەتتىك جەلىلەرگە دەگەن قىزىعۋشىلىعىم - كاسىبي بوكس. سۇراقتاردى ناقتى ماسەلە بويىنشا قويىڭىزدار. كاسىبي سۇراقتاردى قويۋعا دايىندالىڭىزدار، وتىنەمىن. ءدال وسى باعىت - بوكس - وتە قىسقا. ول جاقتا بيزنەس جايلى جانە سول سياقتى ماسەلەلەردى ايتۋدىڭ قاجەتى جوق.
TENGRINEWS: قازاقستاندا ەڭ بولماعاندا بەس گولوۆكين بولسا، باسپا ءسوز ءماسليحاتتارىندا سىزگە باسقا دا سۇراقتار قويىلار ما ەدى.
گ. گولوۆكين:
ايتىپ وتىرعانىم سول - بوكس تاقىرىبىندا ناقتى سۇراقتار قويىڭىزدار. بوكس - بۇل وتە قاراپايىم - ءۇش سوققى. تىكە، شەتتەن، تومەننەن. سۇراقتار ناقتى، تۇسىنىكتى بولۋى كەرەك.
TENGRINEWS: بوكس جايلى سۇراق، كەزەكتى ءبىر قاۋەسەتتىڭ ءمانىن اشىپ بەرەرسىز. اندرە ۋورد سىزگە شىن مانىندە كەزدەسۋ وتكىزۋدى ۇسىندى ما؟ الدە بۇل ونىڭ سوزدەرى عانا ما؟
گ. گولوۆكين:
مەن بۇل ادام جايلى ءتىپتى دە ايتقىم كەلمەيدى. ءتىپتى ەشتەڭە ايتقىم كەلمەيدى...
TENGRINEWS: امەريكالىق باق-تار گەنناديي گولوۆكيندى رينگتەن تىس جەردە شوۋ جاسامايدى دەپ ايىپتايدى - مالىمدەمەلەر دە جوق، سالماق ولشەۋ راسىمدەرىندە توبەلەس تە جوق، پەرفومانس تا. بۇل ءسىزدى قىزىقتىرا ما؟ سىزگە رينگتە جاسايتىن شوۋىڭىز جەتكىلىكتى مە؟
گ. گولوۆكين:
ماعان سول دا جەتەدى.
TENGRINEWS: بۇل ءسىزدىڭ پيارىڭىز بولار ما ەدى؟
گ. گولوۆكين:
ادامداردىڭ ايتىپ جاتقاندارى دا جەتەدى.
TENGRINEWS: ياعني Good boy؟
گ. گولوۆكين:
بۇل مەنىڭ ءيميدجىم ەمەس. Good boy دەپ مۇمكىندىگى زور جاس ادامدى ايتادى. Good boy دەي وتىرىپ، سەن وعان "سەن جاقسى بالاسىڭ، مۇمكىندىكتەرىڭ زور، سەن جاقسى پروسپەكتسىڭ" دەيسىڭ. وسىنى ايتىپ وتىرمىن.
TENGRINEWS: ءبىراق ەندى بىزدە "پروسپەكت" دەگەننىڭ نە ەكەنىن بىلمەيتىندەر كوپ، سوندىقتان سەنى بارلىعى كۇلىپ ءجۇرىپ، ءبارىن ۇراتىن جاقسى جىگىت دەپ ەسەپتەيدى.
گ. گولوۆكين:
جوق، مەن ءىس بىتكەننەن كەيىن "جارايسىڭ" دەپ ايتامىن. جەڭىل باعا بەرەمىن، "ءيا، جارايسىڭ، تىرىس، مۇمكىندىكتەرىڭ بار، Good boy" دەپ قورىتىندى جاسايمىن. بۇل ناقتىلىق ەمەس، بۇل تىكەلەي اۋدارما ەمەس، ءتىپتى باسقا. مۇنى بارلىعى دۇرىس تۇسىنەدى. مەن باسقامىن.
TENGRINEWS: ءسىز، ارينە، كاسىبي بوكس تاقىرىبىندا سويلەسكەن قىزىعىراق دەپ ايتاسىز، ءبىراق ءسىز دە ءبىر كەزدەرى باستاپ كوردىڭىز عوي. ءبىز ماسەلەن تاياۋدا Tengrinews.kz سايتىندا فوتورەپورتاج جاسادىق، "گەنا سەكىلدى جۇدىرىقتاس!" دەپ اتالادى - ءسىزدىڭ جەڭىستەرىڭىزدى كورىپ، كوپشىلىك اتا-انانىڭ ءوز بالالارىن بوكسقا بەرەتىنى، ءتىپتى ەرەسەكتەردىڭ دە بوكس زالىنا بارۋ ءۇشىن كوپ اقشا جۇمسايتىنى جايلى. ياعني بارلىعى دا جۇدىرىقتاسۋعا قىزىعادى، مۇنىڭ بارلىعى دا قىزىعۋشىلىق ەكەنى تۇسىنىكتى. ءسىز بۇل جەتىستىكتى ەڭبەكتىڭ ارقاسىندا كەلدى دەيسىز. ءبىراق ەڭبەك ەتۋ ءۇشىن قالاي دا ءوزىڭدى تارتىپكە كەلتىرۋ كەرەك قوي. سىزدە تارتىپكە كەلتىرەتىن نە؟ مۇمكىن ول كىتاپتار شىعار نەمەسە ءبىر رۋحاني تاجىريبەلەر شىعار، يوگا؟ يليا يلين، ماسەلەن، ەتتەن باس تارتقانىن ايتتى، سونىڭ ارقاسىندا جەڭۋگە دەگەن كۇش الادى ەكەن. سىزدە شە؟
گ. گولوۆكين:
جىگىتتەردىڭ مەنىڭ ۇلگىممەن سپورتپەن اينالىسىپ جاتقانى قاتتى قۋانتادى. ماقسات قويۋ مەن وعان جەتۋ ءبىر ماسەلە دە، زالعا باراتىندارى ءتىپتى جاقسى. ءتارتىپ دەگەنىمىز بىرەۋ، ول قاجىرلى ەڭبەك. ياعني ادامنىڭ مۇمكىندىگى كوپ دەپ ەسەپتەيمىن.
TENGRINEWS: ال ۇستازدارىڭىز ءسىزدىڭ ومىرىڭىزدە قانداي رول اتقاردى؟
گ. گولوۆكين:
جاقسى مەكتەپ بولعانىنا قۋانامىن. باستاپقىدا، بالا كەزىمدە زالعا اكەلگەندە، جاقسى مامان، ۇزدىك پەداگوگىم بولدى - دميترييەۆ ۆيكتور كونستانتينوۆيچ. ءبىز از ۋاقىت جۇمىس ىستەدىك، سوسىن مەن كەنجەبايەۆ عالىم قاليۇلىنا ءوتتىم. مىنە، وسى ماماندار اۋەسقوي بوكستىڭ نەگىزىن قالاپ بەردى. بۇدان كەيىن مەن كاسىبي بوكسقا اۋىستىم، ول جاقتا ءتىپتى باسقا جاعدايلار.
TENGRINEWS: ءسىز ءقازىر كاسىبي بوكس جايلى ايتتىڭىز. كاسىبي بوكسقا قىزىعاتىن ادامدارعا قىزىق دۇنيە جايلى ايتتىڭىز. Tengrinews.kz سايتىنىڭ اۋديتورياسى كەڭ، ءسىزدىڭ ءاربىر سۇحباتىڭىز ادامدارعا پايدا اكەلگەنىن قالايمىز. ءقازىر بارلىعى ءومىر ەرەجەسى جايلى وقۋدى ۇناتادى. كوپ بولماسا دا، گەنناديي گولوۆكيننىڭ ءبىر عانا ءومىر ەرەجەسىن ايتىپ بەرىڭىزشى، باستى ۇستانىمىڭىز قانداي؟
گ. گولوۆكين:
ومىرلىك ۇستانىمىم - الەۋمەتتىك جەلىلەردە پىكىر ايتا بەرمەۋ. بۇل - كەڭەس.
TENGRINEWS: باسپا ءسوز ءماسليحاتى ءوتتى، تىلشىلەردىڭ كوزىنەن سۇراقتارىنا قويىلعان جاۋاپتى ەستي الماعاننان كوڭىل-كۇيىنىڭ تۇسكەنىن بايقادىق...
گ. گولوۆكين:
سۇراق بولعان جوق.
TENGRINEWS: سۇراق بولمادى ما، الدە ءسوزدى ساراپقا سالىپ، باعا بەرگىڭىز كەلمەدى مە؟
گ. گولوۆكين:
ول دا بار. كورىپ وتىرسىزدار عوي، جابىقپىن. كورىنگەن ماسەلەگە قاتىستى سويلەي بەرگىم كەلمەيدى، وعان ۋاقىتىم دا جوق، ونىڭ ءمانى دە جوق.
TENGRINEWS: مۇمكىن كىتابىڭىز نەمەسە ءفيلمىڭىز جايلى ايتارسىز؟
گ. گولوۆكين:
ايتپايمىن. جوق، كىتاپ تا، فيلم دە. بۇل ءتىپتى باسقا دۇنيە. بۇل - تاربيە.
TENGRINEWS: تاربيە عوي سوندا؟
گ. گولوۆكين:
ارينە. بۇل ءومىر سالتى.
TENGRINEWS: ءسىز سوندا ءوزىڭىز جايلى قالىپتاسقان يميدجدەگى كۇلىپ تۇراتىن جىگىت ەمەسسىز عوي؟
گ. گولوۆكين:
جامان اداممىن دەگەن ماسەلە ەمەس، مەن ءوزىمدى جامانمىن دەمەيمىن. مەن باسقا جىگىتپىن، مەن تۋرالى ويلاپ العان، مەن تۋرالى قالىپتاسقان پىكىردەگى جىگىت ەمەسپىن.
TENGRINEWS: گەنناديي قاراعاندىدان شىققان قايىرىمدى جىگىت دەگەن پىكىرگە قالاي قارايسىز؟
گ. گولوۆكين:
بۇل ءوزى سونداي ءاردايىم كۇلىپ جۇرەتىن جىگىت، ءبىراق كەيبىرەۋلەرگە وسىلاي كۇلىپ ءجۇرۋىنىڭ سەبەبى كوڭىلىنىڭ ءاردايىم كوتەرىڭكى بولاتىنىنان با، الدە بىلىمسىزدىگىنەن بە، ول جاعى تۇسىنىكسىز. ولاي ەمەس.
TENGRINEWS: سۇيكىمدىلىكتەن شىعار؟
گ. گولوۆكين:
ولاي ەمەس. ادامداردىڭ پىكىرى قالىپتاسادى، ادامدار وسى سايتتارعا بايلانىستى بىردەڭەگە سەنە باستايدى. سوسىن شيەلەنىسە تۇسەدى دە، ولار جەككورە باستايدى، سوسىن قايتادان ۇناتادى، سوسىن قايتادان قۇرمەتتەي باستايدى. سوسىن بىرەۋدىڭ تاعى ءبىر پيار-كامپانياسى باستالادى: مىنە گەنناديي بىرەۋ تۋرالى جامان پىكىر ايتتى، مىنە گەنناديي جامان، سول بىرەۋ جايلى جامان پىكىر ايتتى، بىرەۋ جايلى ايتپادى، ول ەندى قاتال. ال بۇل ءتىپتى دە بولماعان. ماسەلەن، سىزدەر الۆارەستى ايتتىڭىزدار، الۆارەستىڭ ءوزى ەشتەڭە ايتپاعان بولۋى دا مۇمكىن. ءوزى ايتسا، ناقتى ايتادى. ەگەر ۆيدەودان ايتىپ تۇرعانىمدى كورسەڭىزدەر، ول ناقتى بولادى - سول كەزدە عانا گەنناديي وسىلاي دەدى دەپ ايتىڭىزدار. ال مۇنداي ءپيار-جۇرىستى كىم قولدانادى: كىممەن ساناساتىنىم، كىممەن ساناسپايتىنىم، مىناۋ جاقسى باپكەر، مىناۋ جامان... مەن مۇنداي باعانى ەشقاشان ەشكىمگە ايتپايمىن. "گولوۆكين مىناۋ پروموۋشن جايلى جاقسى، ال اناۋ جايلى جامان ايتتى"... مەن مۇندايدى ءتىپتى دە ايتپايمىن. ءوز ءىسىمدى بىلەمىن جانە ءوز ءىسىمدى ىستەيمىن. مەنىمەن ءىسى بولا المايتىندار، بولمايدى. ال كىمدە-كىمنىڭ ءىسى بولسا، ياعني بەلگىلى ءبىر ءبىلىمى بولسا قارىم-قاتىناسى بولادى.
TENGRINEWS: ءسىز "ينتەرنەتتە از جازۋ كەرەك" دەگەن كەڭەس ايتتىڭىز. وندا ينتەرنەتتە، الەۋمەتتىك جەلىلەردە از وتىرۋ كەرەك شىعار؟
گ. گولوۆكين:
جوق، نەگە، ۋاقىت بولسا وتىرىڭىزدار.
TENGRINEWS: الەۋمەتتىك جەلىلەر زيان دەپ ەسەپتەمەيسىز بە؟
گ. گولوۆكين:
مەن ءتىپتى بىرەۋلەر ءۇشىن ەسەپتەمەيمىن.
TENGRINEWS: ۆيدەوڭىزدى كورىپ وتىرمىز، اعىلشىن ءتىلىن جەتىك مەڭگەرگەن سياقتىسىز.
گ. گولوۆكين:
قاجەتتى دەڭگەيدە مەڭگەرىلەدى. مەن تولىقتاي امەريكالىق بولۋدى جوسپارلاپ وتىرعانىم جوق، ياعني شەكتەن شىقپاۋ كەرەك. از-كەم بىلسەڭ - سونىڭ ءوزى جەتكىلىكتى.
TENGRINEWS: ياعني ارنايى وقىمايسىز با؟
گ. گولوۆكين:
تاجىريبە بار، ساباقتار بار. مەن ءتىپتى باسقامىن.
TENGRINEWS: ءبىز مۇنى تۇسىندىك. بايقاعانىمىز، تاياۋدا انگليادا بولدىڭىز، ستاديوندا سۇحبات بەردىڭىز، قازاقستاندىقتارعا قاراعاندا، شەتەل تىلشىلەرىنە جايدارى قارايتىن سياقتىسىز با، قالاي. الدە بىزگە سولاي كورىندى مە؟
گ. گولوۆكين:
مەن بارلىعىمەن وتە جاقسى، ادەپپەن سويلەسەمىن.
TENGRINEWS: بۇگىن ءسىز بىزدەگى ءوزىڭىز جايلى اسەردى بۇزدىڭىز.
گ. گولوۆكين:
بۇل وبرازداردى، فەيكتەردى ادامدار جاساپ العان. مىنە، بۇگىن سىزدەردە جاقسىلى-جاماندى اسەر بولدى، سىزدەر سونى ۇستانىڭىزدار.
اڭگىمەلەسكەن يۋليا ميلوۆا مەن رەنات تاشقىنبايەۆ.
