"نۇر وتان" پارتياسىنان ءماجىلىس دەپۋتاتتىعىنا ۇمىتكەر رەتىندە ۇسىنىلعان ونەر جۇلدىزدارى مەن سپورتشىلار سىنعا ۇشىراۋدا. ءماجىلىستىڭ بۇرىنعى دەپۋتاتتارى ازات پەرۋاشيەۆ پەن اباي تاسبولاتوۆ ول جۇلدىزداردىڭ ۇمىتكەر رەتىندە ۇسىنىلۋىنا نەگىز جوق دەپ سانايدى. بۇل تۋرالى "قامشى" پورتالى حابارلايدى.
«مەن مۇنداي قاجەتتىلىكتى كورىپ وتىرعان جوقپىن. بىرىنشىدەن، تاجىريبە قاجەت. ول — ءانشى. ارينە ونى جاستار جاقسى كورەدى. پارلامەنتتە زاڭداردى ءتۇسىنۋ قاجەت. ول ءۇشىن، تاعى قايتالاپ ايتايىن، ومىرلىك تاجىريبە قاجەت. سوندىقتان — بۇل شوۋ، مەنىڭ ونى قابىلدامايتىنىم تۇسىنىكتى. ەگەر سپورتشىلار بولسا، ولاردىڭ باسقارۋ تاجريبەلەرى بولۋعا ءتيىس. ال قازىرگى سپورتشىلار سپورتپەن اينالىسىپ، ەلگە سەپتىگىن تيگىزە بەرسىن»،- دەيدى ا. تاسبولاتوۆ جۋرناليستەرگە.
ال ازات پەرۋاشيەۆتىڭ بۇعان كوزقاراسى ءتاپ-تاۋىر. «بىرنشىدەن، جۇلدىزدار — بارلىعى سەكىلدى، ولار دا ادامدار. ولاردىڭ ازاماتىق-كونستيتۋسيالىق سايلاۋ جانە سايلانۋ قۇقىعى بار.(…). ەكىنشى جاعىنان، ارينە پارلامەنت — جوعارى زاڭ شىعارۋشى ورگان، وندا جۇمىس ىستەيتىن ادامدار ءوز سالاسىندا بىلىكتى بولۋعا ءتيىس»، — دەدى ا. پەرۋاشيەۆ.
ونىڭ پىكىرىنشە، جۇلدىزدار مادەنيەت، رۋحاني دامىتۋ سالاسىنا سۇرانىسقا يە بولادى. «ءبىراق، مەنىڭ ويىمشا، بۇگىندە نەگىزگى سىن-تەگەۋرىندەر ەكونوميكا جانە نارىق ينستيتۋتىندا. سوندىقتان جۇلدىزدار — ارينە بۇل جاقسى. ول پارتيانىڭ بەدەلىن كوتەرۋگە، تانىمالدىعىن ارتتىرۋعا كومەكتەسەدى، دەگەنمەن كۇندەلىكتى اعىمدىق جۇمىس ەكونوميكاعا قاتىستىراق بولادى. بۇل ءىس وسى سالادا جۇمىس ىستەگەن ادامدارعا جاقىنىراق»،- دەپ سانايدى ا. پەرۋاشيەۆ.
