يسلام ءدىنىنىڭ وكىلى سوڭعى كەزدە بۇكىل الەمدە بەل العان سەلفيدى (ءوزىن ءوزى سۋرەتكە ءتۇسىرۋ) اۋىر كۇنالاردىڭ قاتارىنا جاتقىزىپ وتىر.
ونىڭ ايتۋىنشا، بۇل ناعىز تاكاپپارلىق پەن مەنمەندىكتىڭ بەلگىسى. يندونەزيالىق فەليكس سياۋ ءوزىنىڭ تۆيتتەر پاراقشاسىندا سەلفيدەن نە ءۇشىن باس تارتۋ كەرەكتىگىن جازىپ شىققان.
اسىرەسە، مۇسىلمان قىزدارىنىڭ بۇلايشا سۋرەتكە ءتۇسۋى ولاردى كۇناھار ەتەدى دەيدى ول. ونىڭ ايتۋىنشا، ءوزىن سۋرەتكە تۇسىرۋگە قۇمار جاندار وزىنە نازار اۋدارعاندى جاقسى كورەدى جانە وزگەلەردەن ءوزىن ۇنەمى جوعارى سانايتىن كورىنەدى.
"ءبىز كۇنالاردىڭ ەڭ اۋىرىنا شالدىعىپ وتىرمىز، ول - تاكاپپارلىق" دەيدى سياۋ تۆيتتەردەگى جازباسىندا.
دەرەككوز: hibatulla.kz
