شىمكەنتتە ارنايى جاساق وكىلدەرى مەن پوليسەيلەر Rixos قوناق ءۇيى مەن "شىمكەنتسىرا" كومپانياسىنىڭ عيماراتىن قورشاۋعا الىپ، ەسىكتەرىن بەكىتىپ تاستادى. دەگەنمەن، قۇقىق قورعاۋشىلار قانداي كۇدىكتىنى ۇستاۋ ءۇشىن مۇنداي وپەراسيا جۇرگىزىپ جاتقاندىعىن ازىرگە ايتپاي وتىر.
TVK تەلەارناسىنىڭ حابارلاۋىنشا، سۋىق قارۋلانعان ارنايى جاساق وكىلدەرى سىرا زاۋىتىنىڭ قىزمەتكەرلەرىن سىرتقا شىعارماي ىشتە تەكسەرىس جۇرگىزۋدە. وپەراسياعا جەرگىلىكتى پوليسەيلەرمەن بىرگە كورشى وبلىستاردان دا كۇشتىك قۇرىلىم شاقىرىلعان.
سونداي-اق، اتالعان زاۋىت باسشىسىنىڭ شىمكەنتتەگى ءۇيى دە قورشاۋعا الىنعان دەيدى كۋاگەرلەر.
ازىرگە Rixos قوناق ۇيىندە كىمنىڭ ۇستالعاندىعى بەلگىسىز. قوناق ءۇي باسشىلارى نىساندا جاي عانا دايىندىق وپەراسياسىنىڭ جۇرگىزىلگەنىن ايتۋدا. ال، ىشكى ىستەر دەپارتامەنتىنىڭ وكىلدەرى اقپاراتتى كەيىن بەرەتىنىن مالىمدەدى.
«قامشى» سىلتەيدى
