شىمكەنت سىرا زاۋىتىنىڭ قىزمەتكەرى 30 قاڭتار كۇنى زاۋىت ايماعىندا وتكەن ارنايى وپەراسيا تۋرالى ايتىپ بەردى، - دەپ حابارلايدى «قامشى» پورتالى TVK-عا سىلتەمە جاساپ.

زاۋىت جۇمىسشىسىنىڭ ءبىرىنىڭ ايتۋىنشا كاسىپورىن اۋماعىندا 30 قاڭتار كۇنى پوليسيا، اسكەريلەر مەن ارنايى جاساق جاۋىنگەرلەرى ءتىنتۋ جۇرگىزگەن.

«تۇسكە تامان زاۋىت اۋماعىنا ەكى «كاماز» كولىگى كىردى. وندا ارنايى جاساق جاۋىنگەرلەرى بولدى جانە ولار زاۋىت اينالاسىن قورشاپ تاستادى. ءبىز باسىندا جاي عانا جاتتىعۋ ەكەن دەدىك. كەيىن جاتتىعۋ ەمەس، ماڭىزدى بىردەڭە بولعالى جاتقانىن تۇسىندىك. پوليسەيلەر وردەردى كورسەتتى دە كاسىپورىندى تەكسەرۋگە كىرىستى. زاۋىتتا بولعان جۇمىسشىلاردى ءبىر عيماراتقا وقشاۋلاپ تاستادى»، - دەيدى زاۋىت جۇمىسشىسى

سونداي-اق، شىمكەنت قالاسىنىڭ تاعى ءبىر تۇرعىنى وقيعاعا كەزدەيسوق كۋاگەر بولعان. ونىڭ ايتۋىنشا، ازامات سول ۋاقىتتا كاسىپورىن جانىنان ءوتىپ بارا جاتقان. ونى ازاماتتىق كيىمدەگى ءبىر كىسى توقتاتىپ، ءوزىن ءىىم-نىڭ ورتالىق اپپاراتى قىزمەتكەرىمىن دەپ تانىستىرىپ، كۋاگەر بولۋعا شاقىرعان. پوليسەي سونىمەن قاتار ودان زاۋىت باسشىسى تۇتقىندالعانى تۋرالى حاباردارلىعىن سۇراعان. كۋاگەردى زاۋىت اۋماعىنان كىرگىزگەن. ءبىراز ۋاقىتتان سوڭ پوليسەيلەر ونىڭ كەرەك ەمەستىگىن ايتىپ شىعارىپ سالعان.

«پوليسيا ءبىز كىرگەندە كابينەتتەردى تەكسەرىپ جاتتى. زاۋىت اۋماعىنا كىرگەننەن سوڭ ءبىراز ۋاقىتتان كەيىن مەنى كەرەك ەمەسسىز دەپ جىبەرە سالدى»، - دەيدى كۋاگەر.

ەستەرىڭىزگە سالساق، كەشە شىمكەنت قالاسىندا ارنايى وپەراسيا بارىسىندا شىمكەنت سىرا زاۋىتىنىڭ قوجايىنى، تانىمال كاسىپكەر توقتار تولەشوۆ پەن ونىڭ بىرنەشە سەرىكتەرى ۇستالعان بولاتىن. ۇستاۋ وپەراسياى زاۋىتپەن قاتار، «ريكسوس حاديشا شىمكەنت» قوناق ءۇيى مەن جەكە سەكتوردداعى تۇرعىن ۇيلەردىڭ بىرىندە دە وتكەن بولاتىن.