31 جەلتوقساندا ساعات 01.45-تە اقسۋ اۋدانىنىڭ اۋماعىنداعى قالقامان كەنتىنە جاقىن جەردەگى «قىزىلوردا-پاۆلودار» اۆتوجولىندا «وسكەمەن-ستەپنوگور» باعىتى بويىنشا ءجۇرىپ بارا جاتقان شاعىن اۆتوبۋس سىنىپ قالۋ سالدارىنان توقتاپ قالدى.
قالقامان كۇرەجولدىق مەديسينالىق-قۇتقارۋ پۋنكتىنىڭ كۇشتەرى اۆتوبۋستاعى 15 جولاۋشىنى اۋىلداعى ورتا مەكتەپ عيماراتىنا ەۆاكۋاسيالادى. ادامدار ىستىق شايمەن قامتاماسىز ەتىلدى، اۋىلداعى مەديسينا قىزمەتكەرلەرىنە قارالدى، دەپ حابارلايدى پاۆلودار وبلىسى تجد. زارداپ شەككەندەر جوق.
ساعات 10.40-تا اۆتوبۋس جوندەلگەننەن كەيىن، جولاۋشىلاردى وتىرعىزىپ باعىتى بويىنشا ءوز ءجۇرىسىن جالعاستىردى.
