شىمكەنتتە كۇشتىك قۇرىلىمدار وتكىزگەن ارنايى وپەراسيا بارىسىندا بيزنەسمەن توقتار تولەشوۆ تۇتقىندالدى. ودان قارۋ-جاراق پەن ەسىرتكى، ءتۇرلى كىتاپتار تاركىلەنگەن، - دەپ حابارلايدى «قامشى» پورتالى ءىىم مەملەكەتتىك ءتىل جانە اقپارات دەپارتامەنتىنە سىلتەمە جاساپ.
كەشە تاڭەرتەڭ شىمكەنتتەگى «ريكسوس حاديشا شىمكەنت» قوناق ءۇيى، «شىمكەنت سىراسى» كومپانياسىنىڭ كەڭسەسى مەن ونىڭ قوجايىنىنىڭ ءۇيى ءوورشاۋعا الىنعان بولاتىن. قوناق ءۇي الدىندا كاسىپكەرىڭ وققاعارلارى مىنگەن كولىك توقتاتىلىپ، ودان بىرنەشە قارۋ سالىنعان سومكە تاركىلەنگەن.
«جەدەل-ىزدەستىرۋ شارالارى بارىسىندا ءىىم قىزمەتكەرلەرى ءتورت ادامدى تۇتقىندادى. ولاردىڭ جۇمىس ورىندارى مەن ۇيلەرىن سوت رۇقساتىمەن ءتىنتۋ كەزىندە وتتى قارۋ، ەسىرتكى زاتتارى مەن كىتاپتار تاركىلەندى. ءقازىر ساراپتاما تاعايىندالىپ، سوتقا دەيىنگى تەرگەۋ جۇرۋدە»، - دەلىنگەن ءىىم مەملەكەتتىك ءتىل جانە اقپارات دەپارتامەنتى تاراتقان حابارلامادا. ۇستالعانداردىڭ ىشىندە بەلگىلى كاسىپكەر توقتار تولەشوۆ تە بار.
كاسىپكەر ت. تولەشوۆ بيزنەسپەن قاتار، قوعامدىق قىزمەتپەن دە بەلسەندى اينالىسىپ كەلگەن. ول رف-دا ورنالاسقان «لاڭكەستىك قاتەرلەردى تالداۋ ورتالىعىنىڭ» قازاقستانداعى وكىلدىگىن باسقارعان. سونداي-اق، ول رف مەملەكەتتىك دۋماسىنىڭ ەكونوميكالىق ارىپتەستىك، ءدىن جانە ۇكىمەتتىك ەمەس ۇيىمدار بويىنشا كەڭەسشىسى، «نۇر وتان» پارتياسىنىڭ مۇشەسى، حالىقارالىق جۋرناليستەر وداعى مەن رەسەي جۋرناليستەر وداعىنىڭ مۇشەسى بولعان، بىرنەشە مەملەكەتتىك ناگردالارمەن ماراپاتتالعان.
