اقش سانكسياسى رەسەيدىڭ دوللاردان باس تارتۋىنا اكەپ سوعۋ مۇمكىن دەپ حابارلايدى رف پرەزيدەنتىنىڭ كەڭەسشىسى سەرگەي گلازيەۆكە سىلتەمە جاساعان Tengrinews.kz. ول اقش سانكسيا ەنگىزىپ جاتقان جاعدايدا رەسەي باسقا ۆاليۋتالاردى تۇتىنىپ، وزىندىك ەسەپ-ايىرىسۋ جۇيەسىن قۇرۋعا ءماجبۇر بولادى دەپ سانايدى. "ءبىز وزىندىك ەسەپ-ايىرىسۋ جۇيەمىزدى قۇرۋدا باسقا ۆاليۋتالارعا ەرىكسىز كوشە باستايمىز. ءبىزدىڭ شىعىس پەن وڭتۇستىكتەگى ارىپتەستەرىمىزبەن ساۋدا-ساتتىق جانە ەكونوميكالىق قارىم-قاتىناسىمىز تاماشا، ءبىز اقش-قا قارجىلىق تاۋەلدىلىگىمىزدى جويىپ قانا قويماي، بۇل سانكسيادان ءوزىمىز ءۇشىن ۇلكەن پايدا تاۋىپ شىعامىز. رەسەيگە قارسى سانكسيا قولدانۋدى جاريالاۋ تۋرالى ءىس-قيمىلى اقش-تىڭ قارجىلىق جۇيەسىنىڭ كۇيرەۋى تۇرىندە وزىنە تاياق بوپ ءتيۋى ىقتيمال. بۇل اقش-تىڭ بۇكىلالەمدىك قارجى جۇيەسىن بيلەپ-توستەۋىن جويادى" دەيدى پرەزيدەنت كەڭەسشىسى. دەگەنمەن كرەملدەگى جوعارى لاۋازىمدى تۇلعانىڭ مالىمەتىنشە، گلازيەۆتىڭ رەسەي مەن اقش-تىڭ اراسىنداعى قارجىلىق قارىم-قاتىناس تۋرالى بۇل ايتقانى - ونىڭ جەكە پىكىرى عانا، ول كرەمل ۇستانعان ساياساتقا ەش سايكەس كەلمەيدى. بۇعان دەيىن پەنتاگون ۋكرايناداعى جاعدايعا قاتىستى رەسەيمەن اسكەري ارىپتەستىك بايلانىسىن دوعاردى دەپ مالىمدەلگەن. بۇل ارادا بىرىككەن جاتتىعۋلار جانە ءبىر-بىرىنىڭ پورتىندا بولۋى، ەكىجاقتى كەلىسسوزدەر مەن كونفەرەنسيالاردى جوسپارلاۋ جايى ءسوز بولعان. سونداي-اق اقش رەسەيمەن ساۋدا-ساتتىق جانە ينۆەستيسيالىق كەلىسسوزدەردى دە توقتاتقان. ەسكە سالا كەتەلىك، ۋكراينا ماڭىنداعى شيەلەنىستىڭ ۋشىعۋىنا بايلانىستى رەسەيگە قاتىستى اقش-تىڭ سانكسيا قولدانۋ مۇمكىندىگى تۋرالى بىرنەشە مارتە مالىمدەلگەن. نەگىزىنەن، اقش سانكسياسى رەسەيلىك بانكتەرگە ەنگىزىلۋى ىقتيمال. ۆاشينگتون رەسەيلىك مەملەكەتتىك مەكەمەلەر مەن جەكە ينۆەستورلاردىڭ اكتيۆتەرىن توقتاتىپ، سونىمەن قاتار رەسەيلىك ازاماتتار ءۇشىن ۆيزالىق شەكتەۋ قولداناتىندىعىن ايتىپ، دوق كورسەتكەن.