Ezubao كرەديتتەۋگە ارنالعان ينتەرنەت-پلاتفورمانىڭ قىزمەتىن تەرگەيتىن جۇڭگو پوليسياسى 21 جاستاعى كۇدىكتىنى ۇستادى، تەرگەۋ جۇرگىزۋ ۋاقىتىندا كومپانيانىڭ 50 ملرد يۋان (7،58 ملرد دوللار) اكتيۆتەرى قۇرساۋلاندى، - دەپ حابارلايدى "قامشى" پورتالى قازاقپاراتقا سىلتەمە جاساپ.

Ezubao جۇمىسى پونسي سحەماسى بويىنشا قۇرىلعان، العاش رەت سالىمشىلار جاڭا ينۆەستورلار تارتۋ ەسەبىنەن جوعارى پايىزدار الادى، دەپ حابارلادى تاسس.

«Ezubao «پونسي سحەماسى» بولىپ تابىلادى، - دەپ مالىمدەدى ونىڭ بۇرىنعى پرەزيدەنتى چجان مين، ول ءقازىر تۇتقىندا. ونىڭ ايتۋىنشا، كومپانيانىڭ نەگىزىن قالاۋشى دين نين (بۇل دا ۇستالعان) «مۇنى بىلگەن».

Ezubao 2014 جىلى قۇرىلعان. كومپانيا قارجى ونىمدەرىنىڭ التى ءتۇرىن ۇسىنىپ، جىلىنا 9 پايىزدان 14 پايىزعا دەيىن تابىسقا قول جەتكىزدى. وتكەن جىلعى جەلتوقساندا پلاتفورما سالىمشىلارىنىڭ سانى 900 مىڭ ادامدى  قۇرادى، ولار سالعان قاراجاتتىڭ جيىنتىق كولەمى 74، 56 ملرد يۋانعا (11،30 ملرد دوللار) جەتتى.

قۇقىق قورعاۋ ورگاندارى كومپانيا قىزمەتىن تەكسەرە باستاعاندا، ونىڭ باسشىلىعى جەر استىنا 1،2 مىڭ ەسەپ-قيساپ قۇجاتتارىن جاسىرىپ قويعان. ونى قازىپ الۋ ءۇشىن پوليسەيلەر 20 ساعات كەتىردى. وپەراسياعا ەكى ەكسكاۆاتور تارتىلدى.

قىتايدا بانكتىك دەپوزيت بويىنشا ستاۆكاسى سالىستىرمالى تۇردە تومەن بولاتىن كليەنتتەردى الداۋ جاعدايلارى ءجيى كەزدەسەدى.  جوعارى تابىسقا دامەلەنگەن ولار قاراجات سالادى. الايدا ول ءتۇرلى قارجى پيراميدالارى، زاڭسىز ينۆەستيسيالىق قور بولىپ شىعادى. تاياۋ ۋاقىتقا دەيىن قىتايدا جەكە بانكتەر بولماعانى، جەكە تۇلعالارمەن شەتەل بانكتەرىنىڭ جۇمىسى شەكتەلگەنى  جاعدايدى كۇردەلەندىرە ءتۇستى،  سوندىقتان سوڭعىنىڭ قاراجاتىنا باسەكەلەستىگى جەرگىلىكتى بانكتىك سالادا تومەن بولدى. سي ءسزينپيننىڭ باسشىلىق ەتۋىمەن قحر جاڭا باسشىلىعى بانكتىك سەكتوردى ىرىقتاندىرۋعا كىرىستى.