قاپشاعاي قالاسىندا ورنالاسقان 32363 اسكەري ءبولىمىنىڭ كەلىسىم-شارت بويىنشا اسكەري قىزمەتشىسى قىزمەت ورنىندا ءوزىن-وزى اتىپ ولتىرگەن، - دەپ حابارلايدى «قامشى» پورتالى قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.

كىشى سەرجانت اسكەري شەنىندەگى قىزمەتشى ا. قازاقپايەۆ قىزمەت اتقارۋ بەكەتىندە ءوز قارۋىنان باسىنا تيگەن وقتان كوز جۇمعان. وز-وزىنە قول جۇمساعان اسكەريدىڭ مۇردەسىن بەكەتكە ونى اۋىستىرۋعا كەلگەن ارىپتەسى ك. كامينسكيي تاۋىپ العان.

«الدىن الا مالىمەتتەرگە ساي، ا. قازاقپايەۆ الىس جەزدەسىنە جانە سۇيىكتى قىزىنا سمس-حابارلاما جولداعان. حابارلامادا تۋىستارى مەن جاقىندارىنان ءوزىن كەشىرۋدى جانە ەشكىمدى ايىپتاماۋدى، اناسىنا قارايلاسۋىن سۇراعان»، - دەلىنگەن ۆەدومستۆو تاراتقان حابارلامادا.

قازا تاپقان جىگىتتىڭ سۇيىكتىسى پوليسەيلەرگە ونىڭ اناسىنىڭ اتىنداعى ۇلكەن كولەمدى نەسيەنى تولەپ كەلگەنىن، قايعىلى جاعدايعا سونىڭ سەبەپ بولۋى مۇمكىن ەكەنىن ايتقان.