قورقىنىشتىڭ ءتۋرى كوپ... 5-6 جاستا بولعانىمدا انام ينفاركت الىپ ءولىم اۋزىنان قالدى. سول كۋندەرى ءومىر اياقتالعانداي بولدى. ەرتەڭگى كۋندى جەك كوردىم، ول جاقتا انام جوقتاي كورىندى. بالا جۋرەگىم جارىلا جازداپ، ءولىم دەگەننىڭ نە ەكەنىن تۋسىنە الماي كۋيزەلدىم. ءالى كۋنگە دەيىن سول سەزىمدەردەن قورقام... ودان دا اششى، ودان دا قاراڭعى، ءتىپتى، قانى سورعالاپ تۇرعان قورقىنىش بار ەكەن. وتان دەگەن... وتانعا تونگەن ءقاۋىپ دەگەن... تۋعان جەرىڭنىڭ تاعدىرى دەگەن... وكىنىشى مەن قورقىنىشى ارالاسقان بۇل سەزىمدى باسىنان كەشكەن جالعىز قازاق مەن ەمەس شىعارمىن. وسى كۋندەرى بارلىق قازاقتىڭ جۋرەگى بىردەي سوقتى، بىرگە سوقتى... وسى كۋندەرى ءبىز كەسەك ويلاپ، ەرتەڭىمىز تۋرالى تولعاندىق. شىندىقتىڭ بەتىنە تۋرا قاراۋعا ءماجبۋر بولدىق. ءدال وسى قورقىنىش ءبىزدى (مەنى) باسقا ساپالىق ءھام رۋحاني دەڭگەيگە كوتەرەدى دەپ سەنەمىن.