ەركىن وزگەرمەلى ايىرباستاۋ باعامىنىڭ رەجىمىنە وتكەننەن كەيىن جانە سونىڭ سالدارىنان بولعان باعام ديەۆالۆاسياسىنان كەيىن، بۇرىن قولدانىستا بولعان قولما-قول شەتەل ۆاليۋتاسىنىڭ ساتىپ الۋ باعامىنىڭ ساتۋ باعامىنان اۋىتقۋ شەكتەرى (اقش دوللارى ءۇشىن 2 تەڭگە، ەۋرو ءۇشىن 3 تەڭگە) تەڭگەنىڭ ايىرباستاۋ باعامىنىڭ جاڭا ماندەرىنە سايكەس كەلمەيتىن بولدى، - دەپ حابارلايدى «قامشى» پورتالى.

«وسىعان وراي، 2016 جىلدىڭ 1 اقپانىنان باستاپ باعامنىڭ جاڭا ماندەرىنە تەپە-تەڭ تۇردە اقش دوللارىن ساتىپ الۋ باعامى مەن ساتۋ باعامى اراسىنداعى رۇقسات ەتىلگەن مارجا 6 تەڭگەگە دەيىن، ال ەۋرو بويىنشا 7 تەڭگەگە دەيىن ۇلعايتىلدى (قازاقستان رەسپۋبليكاسى ۇلتتىق بانكى باسقارماسىنىڭ 2015 جىلعى 19 جەلتوقسانداعى № 257 قاۋلىسى)»، – دەپ حابارلايدى ق ر ۇلتتىق بانكتىڭ باسپا ءسوز قىزمەتى.

ەركىن باعام بەلگىلەۋ جاعدايىندا، ءبىر كۇن ىشىندە باعام كۇرت وزگەرگەن كەزدە، كەيبىر ايىرباستاۋ پۋنكتتەرى بەلگىلى ءبىر ۆاليۋتالار بويىنشا وپەراسيالاردى توقتاتتى. مۇنداي جاعداي 2016 جىلدىڭ 23 جانە 24 قاڭتارىندا الماتى جانە استانا قالالارىنداعى بايقالدى. شەكتى مارجانى كەڭەيتۋ ايىرباستاۋ پۋنكتتەرىنىڭ ۆاليۋتانى ساتىپ الۋ باعامىن جانە ساتۋ باعامىن بەلگىلەۋدىڭ يكەمدىرەك ءتاسىلىن قامتاماسىز ەتىپ، ايىرباستاۋ پۋنكتتەرىنىڭ جۇمىسىنداعى ىركىلىسپەن بايلانىستى تۋىندايتىن ماسەلەلەردى جويادى.

ق ر ۇلتتىق بانكىنىڭ باسپا ءسوز قىزمەتى سونداي-اق، قازاقستان رەسپۋبليكاسىندا قولما-قول شەتەل ۆاليۋتاسىمەن ايىرباستاۋ وپەراسيالارىن ۇيىمداستىرۋ قاعيدالارىندا ايىرباستاۋ وپەراسيالارىن جۇرگىزۋدەن نەگىزسىز باس تارتۋعا تىيىم سالىنعانىڭ جەتكىزدى. ەگەر ايىرباستاۋ پۋنكتى وپەراسيانى كاسسادا قاجەتتى اقشانىڭ بولماۋى سەبەبىنەن جۇرگىزبەسە، كاسسير وپەراسيانى جۇرگىزۋدەن باس تارتۋ ۋاقىتىن كورسەتە وتىرىپ، انىقتاما بەرۋى قاجەت.

ايىرباستاۋ پۋنكتتەرىنىڭ جۇمىسىنا شاعىمدى ايىرباستاۋ پۋنكتىنىڭ ورنالاسقان جەرى بويىنشا ۇلتتىق بانكتىڭ اۋماقتىق فيليالدارىنا بەرۋ كەرەك. ايىرباستاۋ پۋنكتتەرى كليەنتتەرىنىڭ اۋماقتىق فيليالعا بەرىلگەن جازباشا ءوتىنىشى نەگىزىندە ايىرباستاۋ پۋنكتىنىڭ قىزمەتىنە تەكسەرۋدىڭ جۇرگىزىلەتىنىنە نازار اۋدارادى. ءوتىنىش بەرۋ نىسانى مىندەتتى تۇردە ءاربىر ايىرباستاۋ پۋنكتىنىڭ اقپاراتتىق ستەندىندە ورنالاستىرىلادى. تومەندە ۇلتتىق بانك اۋماقتىق فيليالدارىنىڭ «جەدەل جەلىلەرىنىڭ» تەلەفوندارى بەرىلگەن، ول تەلەفوندار بويىنشا ايىرباستاۋ پۋنكتتەرىنىڭ قىزمەتىندەگى بۇزۋشىلىقتار تۋرالى حابارلار قالدىرۋعا جانە ورىن الىپ وتىرعان شاعىمدار بويىنشا جازباشا وتىنىشتەر بەرۋگە، كەڭەس الۋعا بولادى.

اۋماقتىق فيليالداردىڭ جەدەل جەلى تەلەفوندارىنىڭ نومىرلەرى

اقمولا فيليالى 8(7162)-25-16-18؛

اقتوبە فيليالى 8(7132)-21-02-15؛ 8(7132)-21-38-42؛

الماتى قالالىق فيليالى 8(727)-244-36-75؛ 8(727)-244-36-54؛

الماتى وبلىستىق فيليالى 8(7282)-24-40-90؛ 8(7282)-24-11-07؛

اتىراۋ فيليالى 8(7122)-32-85-67؛ 8(7122)-32-22-02؛

شىعىس قازاقستان فيليالى

وسكەمەن 8(7232)-25-43-21؛ 8(7232)-25-46-12؛

سەمەي 8(7222)-52-35-65؛ 8(7222)-52-26-00؛ 8(7222)-52-31-31؛

جامبىل فيليالى 8(7262)-45-09-75؛

باتىس قازاقستان فيليالى 8(7112)-50-44-38؛ 8(7112)-50-06-23؛

قاراعاندى فيليالى 8(7212)-41-91-70؛

قوستاناي فيليالى 8(7142)-54-62-34؛ 8(7142)-54-81-18؛

قىزىلوردا فيليالى 8(7242)-26-14-21؛ 8(7242)-27-42-72؛

ماڭعىستاۋ فيليالى 8(7292)-43-62-58؛ 8(7292)-42-78-94؛

پاۆلودار فيليالى 8(7182)-32-58-60؛ 8(7182)-32-66-71؛ 8(7182)-32-20-76؛ 8(7182)-32-39-59؛

سولتۇستىك قازاقستان فيليالى 8(7152)-46-50-34؛ 8(7152)-46-03-61؛

ورتالىق فيليال (استانا قالاسى) 8(7172)-70-33-13؛ 8(7172)-70-33-58؛

وڭتۇستىك قازاقستان فيليالى 8(7252)-21-20-76؛ 8(7252)-21-20-69.