ينتەرنەتتە سەللوفاننان ارگەنتينا فۋتبول قۇراماسىنىڭ فورماسىن كيىپ، جۇلدىزعا اينالعان بالانى تىلشىلەر ىزدەپ تاپتى. ول بەس جاسار مۇرتازا احمادي بولىپ شىقتى - ءبۇلدىرشىن اۋعانستاننىڭ وڭتۇستىك-باتىسىندا گازني ەلدى مەكەنىندەگى اۋىلداردىڭ بىرىندە تۇرادى، - دەپ حابارلايدى Tengrinews.kz Sputnik ءازىربايجان-عا سىلتەمە جاساپ.
"التىن دوپ" جۇلدەسىن بەس رەت جەڭىپ العان ليونەل مەسسيدىڭ جانكۇيەرى ينتەرنەت-جۇلدىزعا اينالعانىن بىلمەگەن ەكەن. ونىڭ سۋرەتىن Facebook جەلىسىنە بىرنەشە اپتا بۇرىن اعاسى سالىپتى. وسىدان كەيىن ونداعان مىڭ ادام سۋرەتتەگى بالانى تاۋىپ، ناعىز فۋتبولكانى سىيلاعىسى كەلەدى.
مۇرتازانىڭ اكەسى مۇحامماد اريف بالاسىنا فۋتبولعا ارنالعان فورما اپەرە الماعانىن مويىندادى. سوندىقتان ءبۇلدىرشىننىڭ اعاسى وعان پلاستيك پاكەتىنەن جەيدە جاساپ بەرىپتى. "مۇرتازا ءبىر جىل بۇرىن قاتارلاستارىمەن اۋلادا فۋتبول ويناي باستادى. بىزدە جارىق جوق، سوندىقتان كۇن ەنەرگياسىن پايدالانىپ، كىشكەنتاي تەلەديدارىمىزدى قوسامىز. مۇرتازا مەسسيدىڭ فۋتبولكاسىن كيگىسى كەلەتىن، سوندىقتان ول وزىنە ارگەنتينا قۇراماسىنىڭ فورماسى تۇستەس كوك-الا پاكەت ساتىپ الدى. سوسىن ونىڭ اعاسى پاكەتكە "10" جانە "مەسسي" دەپ جازىپ بەردى. مۇرتازانىڭ ويناۋعا دوبى دا جوق، سوندىقتان ول دوس بالالارىنان الىپ، ويناپ تۇرادى. بالام ءوز ارمانىنداعى تۇلعامەن كەزدەسكىسى كەلەدى، بۇل كۇن دە تۋادى دەپ سەنەمىز"، - دەدى ەر ادام.
اۋعانستاننىڭ فۋتبول فەدەراسياسىنداعىلار ليونەل مەسسيدىڭ وكىلدەرىنىڭ ولارمەن بايلانىسقانىن حابارلادى. قازىرگى ۋاقىتتا مۇرتازا مەن مەسسيدىڭ كەزدەسۋىن ۇيىمداستىرۋ بويىنشا جۇمىستار جۇرگىزىلىپ جاتىر. "اۋعانستاننىڭ فۋتبول فەدەراسياسىنىڭ باسشىلىعى مەسسي مەن "بارسەلونادان" كەزدەسۋگە قاتىستى حابارلاما الدى"، - دەپ مالىمدەدى فەدەراسيانىڭ باسپا ءسوز حاتشىسى سايەد الي كازەمي EFE باسىلىمىنا بەرگەن سۇحباتىندا.
