قازاقستاننىڭ كوممۋنيستىك حالىق پارتياسى (قكحپ) الداعى رەسپۋبليكا پارلامەنتى ءماجىلىسى سايلاۋىنا قاتىسۋ تۋرالى شەشىم قابىلدادى جانە دەپۋتاتتىققا ۇمىتكەرلەردىڭ ءتىزىمىن بەكىتتى،- دەپ حابارلايدى "قامشى" پورتالى.
بۇدان بۇرىن قازاقستان پرەزيدەنتى نۇرسۇلتان نازاربايەۆ ءماجىلىس دەپۋتاتتارىن كەزەكتەن تىس سايلاۋدى 20 ناۋرىزعا بەلگىلەدى. سونىمەن قاتار 20 ناۋرىزدا ءماسليحات سايلاۋى وتەدى.
"ءبىزدىڭ پارتيانىڭ نەگىزگى مىندەتى مەملەكەتتىڭ داعدارىسقا قارسى شارالارى — "100 قادام" ۇلت جوسپارى رەفورماسىن ىسكە اسىرۋعا اتسالىسۋ بولىپ تابىلادى. ءبىزدىڭ پارتياعا كوممۋنيستىك قاعيدالاردى جەتىلدىرۋ اياسىندا جاقتاستارىمىزدان جاڭا سەنىم مانداتىن الۋ قاجەت"، — دەدى سەزد بارىسىندا قكحپ وك حاتشىسى تۇرعىن سىزدىقوۆ.
