ءاليحان بوكەيحان حح عاسىردىڭ ۇلى ساياساتكەرلەرىنىڭ ءبىرى. الەكەڭدى ماحاتما گاندي، نەلسون ماندەلا سياقتى بۇگىندە الەم تانىپ وتىرعان ساياساتكەرلەرمەن قاتار تانۋىمىز كەرەك. ويتكەنى، ولار يمپەريا شەڭگەلىنەن شىعۋ ءۇشىن، ءوز حالقىنىڭ ازاماتتىق قۇقىقتارى ءۇشىن بەيبىت تۇردە كۇرەسكەن تۇلعالار. ءتىپتى، ازامات سوعىسى جىلدارىندا لەنين مەن دزەرجينسكيي كونترريەۆوليۋسيونەرلەرگە "راسسترەل نا مەستە!" دەپ، اتىپ تاستاۋعا انىق ۇكىم شىعارىپ جاتقاندا، الاشوردا ۇكىمەتىنىڭ ءتوراعاسى رەتىندە حالىقتى بۇلىنشىلىكتەن قورعاۋ ءۇشىن الاش ميليسياسىن قۇردى. ميليسيانى اسكەر ەمەس، ەل قورعانى دەپ ءتۇسىندىردى جانە سول جولدا قىزمەت ەتۋگە ۇندەدى. جەتىسۋ مايدانىنداعى بولشيەۆيكتەردىڭ قاندى قىرعىنىنان سوڭ، سوۆەت وكىمەتىن ءماجبۇرلى تۇردە تانيىق، ەندى تەك سوۆەتكە قارسى اعارتۋشىلىق ارەكەتتەرمەن قارسى تۇرايىق دەدى. اتىلار الدىندا "مەن سوۆەت وكىمەتىن ەشقاشان سۇيگەن ەمەسپىن، ءماجبۇرلى تۇردە تانىدىم" دەدى اقتىق سوزىندە. ءاليحاننىڭ ۇلت-ازاتتىق كۇرەسىندەگى باستى ءتاسىلى - مويىنسۇنباۋ. كىسى بالاسىنا قىلداي قيانات ەتپەي، ارىن تازا ساقتاعان، ۇلتتى ناعىز ادامشىل ىستەرگە باستاعان الەكەڭنىڭ ءارۋاعىنا مىڭ دا ءبىر تاعزىم!