قازىرگى قازاق جۋرناليستەرى ىسىلىپ كەلەدى. قانداي قوعامدىق جاعدايلارعا بولسىن دەرەۋ ءۇن قاتىپ، تەز تالقىلاپ، سىننىڭ دا، ساليقالىقتىڭ دا تەزىنەن شىعارىپ جاتادى. اسىرەسە، الەۋمەتتىك جەلىدەگى جۋرناليستەردىڭ بەلسەندىلىگىنەن شاشىلىپ قالعان وتاربانىڭ ءوزى "شۋ" دەپ وتالىپ كەتەردەي... ءبىراق سول جۋرناليستەردىڭ دەنىندە ءۇي جوق. سايكەسىنشە كۇي جوق. ورىستاردىڭ «نيششيي جۋرناليست نە موجەت بىت نراۆستۆەننىم» دەگەن ءسوزى بار. ءتىپتى سول ناپەلەوننىڭ «ەگەر سەن ءوز ەلىننىڭ اسكەرىن اسىراماساڭ، باسقا ەلدىڭ اسكەرىن اسىرايتىن بولاسىڭ» دەگەن ءسوزىن قازىرگى جۋرناليستەرىمىزگە قاراتا ايتۋعا بولادى. جۋرناليستەر مەن شەكاراشىلاردىڭ فۋنكسيالارى ءبىر دەپ ويلايمىن. ءبىرى – جەردىڭ تۇتاستىعىن، ءبىرى – اقپاراتتىق شەكارانىڭ تۇتاستىعىن قورعايدى. اعارتۋشىلاردىڭ ءرولىن اتقارىپ، جىكتەردى اجىراتىپ وتىر. ءبىراق ءدال سول شەكاراشىلارعا قاراعانداي كوزقاراس بار ما؟ الەۋمەتتىك مارتەبەسى قورعالماعان. ءۇي الۋدا جەڭىلدىك جوق. جاعدايى بولماعان سوڭ جالتاق. ارزان مۇددە ءۇشىن ارنەگە باسىن تىعىپ، كوبىرەك اقشا تابامىن دەپ ءونىمسىز جۇمىستىڭ اراسىندا شىعارماشىلىعىن قۇربانعا شالىپ جاتادى. Cوعان قاراماي ەڭبەك ەتىپ جاتىر، ەڭبەك ەتىپ جاتىر... كەشەگى «ۇلىم دەيتىن ەلىم بولماسا، ەلىم دەيتىن ۇل قايدان بولسىننىڭ» كەرى عوي... شىركىن-اي، بىزدەگى ءاربىر كاسىپكەر ەڭ بولماسا، ءبىر بەلدى ءجۋرناليستىڭ جاعدايىنا قارايلاسىپ، ءۇي الۋدان ەڭ بولماسا 20-30 پايىز اقشاسىن كوتەرسە، ونىسىن مىندەت قىلىپ، ماقتاتقىزباي، بۇنى قازاق جۋرناليستيكاسىنا قوسقان ۇلەسىم دەپ تۇسىنسە. وسى كۇنگە بىرگە جەتەيىك. وسى تۇسىنىكتى بىرگە تاراتايىق!

ازاماتحان ءامىرتاي