قازاقستانداعى ساتەك»، «ساتەك ينۆەستمەنت گرۋپپ»، «KGNT Holding»، «كاۋستيك» سىندى ءبىرقاتار كومپانيالاردا اكتيۆتەرى بار جانە قۇرامىنا «7-ارنا»، Vesti.kz، Tengri FM كىرەتىن «الاش مەديا گرۋپپ» ج ش س مەن «ستۆ» ارناسى» جشس-نىڭ جالعىز  قاتىسۋشىسى الەكساندر كلەبانوۆ يزرايل ازاماتى كورىنەدى. ونىڭ مەملەكەتتىڭ بيلىك ورگاندارىنا، سول ارقىلى مەملەكەتتىك قۇپيالارعا يەلىك ەتۋ مۇمكىندىگى بار، - دەپ جازادى «DAT» جوباسى.

باسىلىم كازتاگ اگەنتتىگىنە سىلتەمە جاساي وتىرىپ، ا. كلەبانوۆتىڭ 1998 جىلدىڭ قاراشاسىندا يزرايل ازاماتتىعىن العانىن جازادى. اگەنتتىككە بۇل تۋرالى اتالعان مەملەكەتتىڭ ابسورباسيا (رەپاتريانتتار ءىسى جونىندەگى) مينيسترلىگىندەگى دەرەككوز حابارلاعان.

«قازاقستاندىق الەكساندر كلەبانوۆ – يزرايل ازاماتى. جالپى قازاقستاننان وتانىنا ورالعاندارعا ونىڭ يزرايل مەملەكەتىنىڭ ازاماتتىعىن العانى قۇپيا ەمەس. ونىڭ 1998 جىلى قاراشا ايىندا ازاماتتىق العانى بىزگە بەلگىلى. بىزدە ءوزىنىڭ ەۆرەي ەكەنىن دالەلدەۋ پروسەسى وتە كۇردەلى. ءبىراق، كلەبانوۆ جاقىن تۋىستارى ارقىلى جەرگىلىكتى مەملەكەتتىك ورگانداردى ازاماتتىق الۋعا جانە پاسپورتقا يە بولۋعا سەندىرگەن»، - دەيدى ول دەرەككوز.

باسىلىم سونىمەن بىرگە، ا. كلەبانوۆتىڭ «Airfinance Europe LTD» كومپانياسىنىڭ قازاقستاندىق بولىمشەسىنىڭ باسشىسى، «Orient Eagle» اۋە تاسىمالداۋشى كومپانياسىنىڭ جانە پرەزيدەنتتىك «بۇركىت» اۆياكومپانياسىنىڭ جەتەكشىسى رەتىندە مەملەكەت باسىنداعى تۇلعالاردىڭ ەل ىشىندەگى جانە شەتەلدەگى ساپارلارىنا قىزمەت كورسەتكەنىن، بۇل لاۋازىمداردا  ءجۇرىپ ونىڭ مەملەكەتتىك قۇپيالارمەن تانىسۋىنا، مەملەكەت باسشىلىعىنداعى تۇلعالاردىڭ ءجۇرىس-تۇرىسىن زەرتتەۋىنە تولىق مۇمكىندىگى بولعانىن ايتادى.

ا. كلەبانوۆ مەملەكەتتىك قىزمەتتەگى ەڭبەگى ءۇشىن «قۇرمەت»، ءىىى دارەجەلى «بارىس» وردەندەرىمەن ناگرادتالعان.

ءقازىر يزرايل ازاماتى سانالاتىن ا. كلەبانوۆتىڭ جوعارىدا اتالعان قازاقستانداعى بەلدى اقپارات قۇرالدارىنا يەلىك ەتەتىنىن forbes.kz جۋرنالى دا راستاپ وتىر. جۋرنال بيزنەسمەندى 2015 جىلدىڭ قاڭتار ايىندا قازاقستاننىڭ ىقپالدى 50 بيزنەسمەنىنىڭ رەيتينگىنە دە ەنگىزگەن.

سونداي-اق، ونىڭ جۇبايى داريا كلەبانوۆا پارلامەنت ءماجىلىسىنىڭ ءۇش بىردەي شاقىرىلىمىندا دەپۋتات بولعانىن دا ايتا كەتۋ كەرەك.