وتكەن جىلى استانالىق ءالىبي جۇماعۇلوۆتى ۇرىپ-سوقتى جانە بوپسالادى دەگەن ايىپ تاعىلىپ، 12 جىلعا باس بوستاندىعىنان ايرىلعان كاسىپكەر قايرات جامالييەۆ جازاسىن الماتى وبلىسى زارەچنىي كەنتىندە ورنالاسقان تۇزەۋ مەكەمەسىندە وتەۋدە، - دەپ حابارلايدى «قامشى» پورتالى Tengrinews.kz– كە سىلتەمە جاساپ.

سايتتىڭ استانا سوتىنا جازعان سۇراۋىنا بەرگەن جاۋابىندا سوت قايرات جاسالييەۆ الماتى وبلىسى زارەچنىي كەنتىندەگى لا-155/8 تۇزەۋ مەكەمەسىنە جەتكىزىلگەنىن ايتقان.

ال، اتالعان ءىس بويىنشا باسقا فيگۋرانتتار ارمان ابىلتايەۆ پەن اناتوليي پريبىتكوۆ اقمولا وبلىسى اتباسار كەنتىندەگى ەس-166/4 تۇزەۋ مەكەمەسىنە جىبەرىلگەن.

سوتتالعاندار العاشقى ينستانسياداعى سوت ۇكىمىنە شاعىم تۇسىرگەنىمەن اپپەلياسيالىق سوت ول ءوتىنىشتى قاناعاتتاندىرماعان. جوعارعى سوتتىڭ كاسساسيالىق القاسىنا ۇكىمدى وزگەرتۋ تۋرالى ءوتىنىش تە تۇسپەگەن.