جولاۋشىلار كولىگىندەگى ەلەكتروندى بيلەتتەندىرۋ جۇيەسى شىمكەنتتىك قوعامدىق كولىكتەرگە دە ورناتىلادى، - دەپ حابارلايدى «قامشى» پورتالى شىمكەنت قالاسى جولاۋشىلار كولىگى جانە اۆتوموبيل جولدارى بولىمىنە سىلتەمە جاساپ.

«2015 جىلدىڭ جەلتوقسان ايىندا ءبىز Korea Smart Card Co  كومپانياسىمەن مەموراندۋمعا قول قويدىق. ءقازىر جولاۋشىلار جيىلىگى مەن كولىك اعىنى زەرتتەلۋدە. بۇل جۇيە الماتىداعى «وڭاي» جۇيەسىنەن ايىرماشىلىقتارعا يە. ءبىز ونى الماتىلىقتاردىڭ قاتەلىكتەرىن ەسكەرىپ، جەتىلدىرەتىن بولامىز. ازىرگە اتاۋى ناقتىلانبادى»، - دەيدى ءبولىم باسشىسى قۋاتجان جۇماتايەۆ.

ءبولىم باسشىسىنىڭ ايتۋىنشا، ەلەكتروندى بيلەتتەندىرۋ جۇيەسى وسى جىلى قولدانىسقا ەنىزىلمەك. سونداي-اق، اقپان ايىندا جوبانىڭ ناقتى اتاۋى بەلگىلى بولادى.

سونداي-اق، ق. جۇماتايەۆ اتالعان جۇيەنى قولدانىسقا ەنگىزۋگە 11000 اقش دوللارى كولەمىندە قاراجات كەتەتىنىن، الايدا، الماتىلىق ءبىر فيرما 8000 دوللارلىق ۇسىنىس جاساعانىن ايتقان.

بۇگىندە شىمكەنتتە 76 باعىت بويىنشا قىزمەت كورسەتەتىن 27 تاسىمالداۋشى كومپانيا بار.