قازاقستان مەملەكەتتىك سىرتقى قارىزداردىڭ ىشكى جالپى ونىمگە شاققانداعى كورسەتكىشى بويىنشا تمد مەن شىعىس ەۋروپا ەلدەرىن باسىپ وزدى، - دەپ حابارلايدى «قامشى» پورتالى "بگ دەلوۆايا گازەتا" جاريالاعان دەرەكتەرگە سىلتەمە جاساپ.

ەلىمىزدىڭ سىرتقى قارىزىنىڭ ىجو-گە شاققانداعى كورسەتكىشى 5،3 پايىزدى قۇراعان. رەسەيدە بۇل كورسەتكىش 3،2 پايىزعا تەڭ. ەڭ ۇلكەن پايىزدىق كورسەتكىشتەرگە سىرتقى قارىزى كۇرت ارتىپ كەتكەن سلوۆەنيا مەن ۋكراينا يە بولعان.

سونىمەن قاتار، باسىلىم قازاقستاننىڭ سىرتقى مەملەكەتتىك قارىزى سىرتقى جالپى قارىزدىڭ (سجق) 7،2 پايىزىنا تەڭ ەكەنىن ايتادى. ءبىراق، مەملەكەتتىڭ فيرمارالىق نەسيەلەندىرۋ بويىنشا سىرتقى قارىزى وتە جوعارى – 52،6 پايىزدى قۇراعان. قازاقستاننىڭ 2015 جىلعى 3 توقسانداعى فيرمارالىق سىرتقى نەسيەلەندىرۋ كولەمى 81،62 ميلليارد دوللارعا جەتكەن. وسى ارقىلى رەسەي مەن پولشادان كەيىنگى ءۇشىنشى ورىندى يەلەنىپ وتىر.

باسىلىم فيرمارالىق نەسيەلەندىرۋ، سىرتتان تارتىلعان ينۆەستيسيا كولەمىنىڭ جان باسىنا شاققانداعى كورسەتكىشتەرى بويىنشا قازاقستاننىڭ ەكىنشى ورىنعا شىققانىن ايتادى. ءبىرىنشى ورىندى 90-جىلدان بەرى باتىس ەۋروپا ەلدەرى قارجى قۇيىپ كەلگەن ۆەنگريا يەلەنىپ وتىر. سونداي-اق، ماقالا اۆتورلارى تەك قازاقستاندا عانا سوڭعى 10 جىل كولەمىندە سجق مەن جىلدىق ءىجو-نىڭ قاتىناسى وزگەرمەگەنىن ايتادى.