ءدىني باسقارما "بايگە" جاريالايدى قۇرمەتتى وقىرمان! قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ەرجان قاجى مالعاجى ۇلى ەلىمىزدىڭ مۇسىلمان قاۋىمى ءۇشىن 2014 جىل – «ءدىن مەن ءداستۇر» جىلى دەپ جاريالادى. وسىعان وراي، قمدب-نىڭ ۋاعىز-ناسيحات جانە عالامتورمەن جۇمىس ءبولىمى مەن قمدب-نىڭ muftyat.kz رەسمي سايتى شىعارماشىلىق بايگە جاريالايدى! شىعارمالار سايىسىنىڭ تاقىرىبى: «يسلام جانە ءداستۇر». 1ء-شى ورىن – 250 000 تگ. 2ء-شى ورىن – 150 000 تگ. 3ء-شى ورىن – 75 000 تگ. سايىسقا قاتىسۋ تەگىن ءارى جاس مولشەرىنە شەكتەۋ قويىلمايدى. سايىس جەڭىمپازىن حالىق جانە ارنايى ءادىلقازىلار القاسى انىقتايدى. كەلىپ تۇسكەن ماتەريالدار 1 كۇننىڭ ىشىندە ارنايى تاعايىندالعان ساراپشىلاردىڭ ساراپتاماسىنان ءوتىپ، تومەندە كورسەتىلگەن شارتتارعا سايكەس كەلگەن جاعدايدا، ماتەريالدى ۇمىتكەر شىعارما رەتىندە سايتىمىزدا جاريالاپ وتىراتىن بولامىز. جاريالانعان ۋاقىتتان باستاپ حالىقتىڭ داۋىس بەرۋى جۇزەگە اسىرىلادى. شىعارمالاردى قابىلداۋ 5 ناۋرىز مەن 15 ءساۋىر ارالىعىندا جۇرگىزىلەدى. سايىس قورىتىندىسى 18 ءساۋىر كۇنى بەلگىلى بولادى. جەڭىمپازدى انىقتاۋ بارىسىندا سايت وقىرماندارىنىڭ دا داۋىسى ەسەپتەلىپ، ءادىل قازىلار القاسىنىڭ شەشىمىنە اسەر ەتەتىن بولادى. داۋىس بەرۋ تەك muftyat.kz سايتىندا جارىق كورگەن شىعارما جانىندا ورنالاسقان «ۇنايدى» نەمەسە «ۇنامايدى» تەتىكتەرىن باسۋ ارقىلى عانا جۇزەگە اسىرىلادى.

شىعارمالارعا قويىلاتىن تالاپتار: شىعارمانىڭ كوشىرمە (پلاگيات) بولماۋى شارت، ياعني بوگدە اۆتوردىڭ ويىن نەمەسە وقيعا جەلىسىنە ۇقساس جازىلعان بولسا، سايىسقا قابىلدانبايدى. ەگەر بۇرىن جاريالانعان شىعارما بولسا، العاشقى دەرەككوزدى كورسەتۋى مىندەتتى. ءدىن مەن ءداستۇردىڭ ساباقتاستىعى ءار قىرىنان جان-جاقتى اشىلۋى قاجەت. شىعارمانىڭ ءماتىنى قاتەسىز ءارى سويلەم قۇرىلىسى دۇرىس بولۋى شارت. ءدىنارالىق نەمەسە ۇلتارالىق ارازدىق تۋدىراتىن شىعارمالار قابىلدانبايدى. شىعارما كولەمى ا4 كولەمىندەگى 3 بەت پەن 5 بەتتىڭ اراسىندا بولۋى قاجەت. ماتىنگە ءمان بەرە ءتۇسۋ ءۇشىن ءاربىر اۆتور كولەمى 40 كب اسپايتىن فوتوسۋرەت قولدانۋىنا بولادى. سايىسقا قاتىسۋشىلار ءوز شىعارمالارىن bayge-kmdb@mail.ru ەلەكتروندى پوشتاسىنا جولداۋى كەرەك.

ەسكەرتۋ: 1. ءادىلقازىلار القاسى ءوز شەشىمدەرى ءۇشىن تۇسىندىرمە بەرۋگە مىندەتتەلمەيدى. 2. سايىسقا قابىلدانعان شىعارمالار اۆتورلارعا قايتارىپ بەرىلمەيدى. 3. سايىسقا جىبەرىلگەن شىعارمالاردى قولدانۋ قۇقىعى muftyat.kz سايتىنا تيەسىلى بولادى. 4. Muftyat.kz سايتىنا جاريالانار شىعارمالاردى وڭدەۋگە نەمەسە تۇزەتۋگە قۇقىلى بولىپ ەسەپتەلەدى.