ءبىر كۇنى كومپانيا (مۇناي) جۇمىس ىستەپ جاتقان جەرگە ءۇش پوليسيا كەلدى. مەن باستىقتىڭ كابينەتىندە وتىرعامىن. ولاردىڭ كەلىپ تۇرعانىن باستىق تا تەرەزەدەن كورىپ وتىر ەكەن، دەرەۋ ماعان «انالاردىڭ نەگە كەلگەنىن ءبىلىپ كەلشى» دەدى. مەن سىرتقا شىعىپ، ولاردىڭ نە ءۇشىن كەلگەنىن سۇرادىم. ساقشىلار مۇندا قىتايدان زاڭسىز كەلىپ جۇمىس ىستەپ جاتقان ادامدار بار ما، سونى تەكسەرگەلى كەلگەنىن، جانە باستىققا كىرەتىندەرىن ايتتى. مەن قايتا كىرىپ، ولاردىڭ كەلۋ ماقساتىن باستىققا جەتكىزدىم. سول كەزدە جۇڭگو باستىق ماعان «سەن دەرەۋ انالارعا بارىپ، ءۇش يت ءقازىر تەز قارالارىڭدى باتىرىڭدار، ايتپەسە اكەلەرىڭدى تانيسىڭدار دەپ ايت» دەدى. مەن وعان ولاي ايتساق بولمايدى، دۇرىستاپ ءتۇسىندىرىپ قايتارايىق دەدىم. ءبىراق، قانىن ىشىنە تارتىپ سۇرلانىپ العان ول «جوق، ءدال وسى مەنىڭ ءسوزىمدى جەتكىز، يت دەگەن قازاقشا قالاي ايتىلادى، ءدال سولاي ايتىپ جەتكىز» دەدى. مەن سىرتقا شىعىپ ولارعا «سىزدەر ءقازىر قايتىپ كەتىڭىزدەر، ايتپەسە، مىنا جۇڭگو ءقازىر باستىقتارىڭا زۆانداپ، سەندەردى جۇمىستان شىعارتىپ جىبەرەمىن» دەپ جاتىر دەدىم. الگى ۇشەۋى بىردەڭە دەپ ورىسشا سويلەسىپ الدى دا، تايىپ تۇردى... مەن بۇلاردى جازۋ ارقىلى ەشكىمنىڭ اشۋ-ىزاسىنا تيەيىن دەپ وتىرعان جوقپىن. ءبىزدىڭ «قۇدىرەتتى» قۇقىق قورعاۋشىلارىمىزدى (بىرەۋىن يت دەگەنى بارىنە سولاي قاراعانى)، قازاقستان رەسپۋبليكاسىنىڭ پوليسياسىن اشىق تۇردە يتكە تەڭەپ بالاعاتتاعان جۇڭگو كىنالى مە، جوق يت بولىپ جۇرگەن پوليسيانىڭ ءوزى كىنالى مە، الدە سولاردى يت دارەجەسىنە تۇسىرگەن جۇيە، نەمەسە ءسىز بەن ءبىز كىنالى مە؟ دەگەن سۇراقتىڭ جاۋابىن سىزدەرمەن بىرگە تابۋ ەدى. مۇمكىن، ەشكىم كىنالى ەمەس شىعار؟... (مۇرات الماسبەك ۇلىنىڭ فەيسبۋكتەگى پاراقشاسىنان الىندى)