تۇركيا پرەمەر-مينيسترى داۋىتوعلىنىڭ قازاقستان پرەزيدەنتى نازاربايەۆپەن  اقورداداعى تولىق قۇرامدى كەزدەسۋى 2 ساعات 40 مينۋتقا سوزىلدى. داۋىتوعلۇ كەزدەسۋدە قازاقستانعا ءار جاساعان ساپارىندا ءوزىن قازاقستاننىڭ ازاماتى سەزىنەتىنىن جەتكىزدى. پرەمەر-مينيستر رەتىندە قازاقستانعا العاش ىسساپارمەن كەلگەنىنە قۋانىشتى ەكەنىن سويلەگەن داۋىتوعلۇ «سىرتقى ىستەر ءمينيسترى رەتىندە قازاقستانعا كوپ كەلگەنىن، ، بيىلعى جىلى قازاقستانعا كەلگەن العاشقى ساياسي لاۋازىمدى تۇلعا ەكەنىن ماقتان ەتەتىنىن» ايتتى. ول ءوز سوزىندە: «قازاقستان تاۋەلسىزدىگىنىڭ 25 جىلدىعى ءبىز ءۇشىن دە ماقتان ەتەر مەرەكە، ءسىزدىڭ كوشباسشىلىعىڭىزدا، قازاقستاننىڭ قول جەتكىزگەن بارلىق دامۋشىلىعىن ءوز دامۋشىلىعىمىز رەتىندە سانايمىز. تۇرىك-قازاق قارىم-قاتىناسىنا زور ۇلەس قوسقان اقساقال رەتىندە سىزگە ۇلكەن العىس ايتامىز»، - دەدى. 
نازاربايەۆتىڭ تۇركيانىڭ 8-پرەزيدەنتى تۇرعىت وزالمەن كەزىگۋىندە ءوزالدان «تۇركيادا قانشا قازاق بار؟» دەپ سۇراعانىن، وعان ءوز كەزىندە ءوزالدىڭ «مەنى قوسقاندا 70 ميلليون قازاق بار!» دەپ جاۋاپ بەرگەنىن ەسكە سالعان تۇرىك پرەمەرى، «ءبىز جاقىندا حالىق ساناعىن جاسادىق، تۇركيادا، ەندى، مەنى قوسقاندا 78 ميلليون 600 مىڭ قازاقتان سىزگە سالەم اكەلدىم» دەدى. نازاربايەۆتىڭ «بوسقىندارمەن ساندارىڭىز ارتىپ جاتىر عوي» دەگەن سوزىنە «ولاردى دا قازاق دەۋىڭىزگە بولادى، ولاردىڭ اراسىندا دا كوپ ساندى تۇركى تەكتى بار» دەپ اتاپ ءوتتى. 
تۇرىك پرەمەرى سونداي-اق قازاقستانداعى ارىپتەسى ماسىموۆپەن دە 1 ساعاتتىق كەزدەسۋ وتكىزگەن. بۇل كەزدەسۋدەن سوڭعى دەلەگاسياارالىق وتىرىستا تۇرىك ۆيسە پرەمەرى تۇعرۇل تۇركەش، ەكونوميا ءمينيسترى مۇستافا ەليتاچ، قاتىناس جانە تەڭىزشىلىك ءمينيسترى بينالي يىلدىرىم، ادىلەت جانە دامۋ پارتياسىن ءتوراعاسىنىڭ ءبىرىنشى ورىنباسارى چيگدەم قارااسلان، پرەمەردىڭ باس كەڭەسشىسى الي سارىكايا، سىرتقى ىستەر ءمينيسترى كەڭەسشىسى فەريدەن سينيروعلۇ سياقتى لاۋازىمدى تۇلعالار قاتىسقان.

نۇرعالي نۇرتاي