اقش يزرايلگە حاماس-تىڭ ۇڭگىرلەرىن جويۋ ءۇشىن 240 ملن دوللار بولەتىن بولدى، - دەپ حابارلايدى «قامشى» پورتالى 24.kz-كە سىلتەمە جاساپ.
ال، گازا سەكتورىمەن شەكارالاس ايماقتا ورنالاسقان تۇرعىندار جەر استىنان شىعاتىن شۋىلعا بايلانىستى ءجيى شاعىمداناتىندى شىعارىپتى. حاماس-تىڭ ستراتەگيالىق قارۋى. جەر استى جولدارىن ۇيىم وسىلاي اتايدى. ونى سالۋ دا وتە قيىن. قۇرىلىسقا قاجەتتى ماتەريالدار يزرايلدىكتەردىڭ باقىلاۋىنداعى گازا سەكتورى ارقىلى باقىلاۋ وتكىزۋ پۋنكتىمەن وتكىزىلەدى. دەگەنمەن وعان جۇمسالعان قارجى ءوزىن اقتاپ وتىر. ۇڭگىر گازا شەكاراسىندا تۇراتىن ەۆرەيلەردىڭ زارە-قۇتىن قاشىرۋدا. جەر استىنداعى شۋىلدى ءار تۇرعىن جاقسى بىلەدى. بۇل جەردەگى حالىق يزرايل قورعانىس مينيسترىنەن ۇڭگىرلەردى جويۋ جۇمىستارى نەگە ناتيجە بەرمەي جاتقاندىعىن بىلگىسى كەلەدى. ويتكەنى بۇل جەردە كۇندە اپات بولادى. ۇڭگىردىڭ قابىرعالارى اۋىر سالماقتى كوتەرە الماي، وپىرىلىپ جاتىر. ءۇيىندى استىندا قالىپ جاتقان قۇرىلىسشىلار قانشاما. ءبىر جاعىنان وسى، ەكىنشى جاعىنان حاماس جەتەكشىسىنىڭ يزرايلگە جەر استى ارقىلى شابۋىل جاسايتىندىقتارى تۋرالى مالىمدەمەسى ۇڭگىردى قيراتۋعا تۇرتكى بولدى. ەكاتەرينا سۋماروۆانىڭ ءۇيىنىڭ تەرەزەسىنەن بۇكىل گازانى باقىلاپ وتىرۋعا بولادى. ونىڭ ايتۋىنشا، وسىنداي قورقىنىشتى جاڭالىقتان كەيىن تۇرعىنداردىڭ ءبىرازى باسقا جاققا كوشىپ كەتكەن.
ەكاتەرينا سۋماروۆا، جەرگىلىكتى تۇرعىن:
- بۇل جەردەن كوشۋگە ۇڭگىردەن كەلەتىن ءقاۋىپ سەبەپ بولدى. حالىقتىڭ كوبى وسى قورعاننان اۋلاق جەرگە قونىس اۋدارۋدا. ويتكەنى ۇڭگىردەن تونگەن ءقاۋىپ وتە وزەكتى ماسەلە، ول حالىقتى كۇندەلىكتى قورقىنىشتا وتىرۋعا ماجبۇرلەيدى.
ناحال وز – گازا سەكتورىنا جاقىن ورنالاسقان ەلدى مەكەندەردىڭ ءبىرى. جەرگىلىكتى حالىق بيلىكتىڭ ارەكەتسىز وتىرعانىنا نارازى. ۇڭگىردىڭ تۇرعىزىلىپ جاتقانى تۋرالى 2014 جىلى يزرايل انكلاۆتا اسكەري وپەراسيا جۇرگىزىپ جاتقان كەزدە بەلگىلى بولعان. الايدا ەشبىر ناتيجە شىعارىلمادى.
الدىن الۋ شارالارىن جۇرگىزۋ قاجەت. ونى ءيزرايلدىڭ بيلىك باسىنداعىلار عانا ەمەس، اقش تا جاقسى بىلەدى. ەكى ەل ديۆەرسيالىق ۇڭگىرلەردى ىزدەستىرۋ جۇيەسىن بىرلەسە جۇرگىزۋ جوباسىنا كەلىسىم جاسادى. ونى جۇزەگە اسىرۋعا 240 ملن دوللار جۇمساۋ جوسپارلانىپ وتىر.
