ەۋروپا بوسقىنداردى قابىلداۋعا ءازىر. ءبىراق ولاردى ورنالاستىرۋعا ورىن قالماي بارادى، - دەپ حابارلايدى 24.kz.

اعىلىپ بارىپ جاتقان ميگرانتتاردىڭ كوپتىگى سونداي، كارى قۇرلىق ەلدەرى ولارعا پانا بولارلىق جەر تاپپاي ابىگەرگە ءتۇسىپ جاتىر. ايتسە دە كەيبىر مەملەكەتتەر بۇل ماسەلەنى وڭتايلى شەشۋگە تىرىسىپ باعۋدا. مىسالى، گەرمانيا بيلىگى بوسقىنداردى بۇرىنعى كونسلاگەرلەرگە جايعاستىردى. سول سياقتى اسكەري كازارمالار، ستاديوندار مەن زيراتتار كىرمەلەردىڭ تۇراعىنا اينالعان. بوسقىنداردىڭ قالىڭ لەگى اۆستريا ۇكىمەتىن دە تىعىرىققا تىرەدى. ال اۆستراليادا شىركەۋ قىزمەتكەرلەرى «عيبادات ەتەتىن ورىنداردى كەلىمسەكتەرگە بەرۋگە دايىنبىز»، - دەيدى. بيلىك ميگرانتتاردى ءتىپتى كورشىلەس ارال-مەملەكەتتەرگە دەپورتاسيالاۋدى جوسپارلاۋدا. ءبىراق جەرگىلىكتى شىركەۋ قىزمەتكەرلەرى كىرمەلەر باسقا جاققا كۇشپەن كوشىرىلگەننەن كەيىن قورلىق پەن زورلىققا تاپ بولۋى مۇمكىن دەپ ەسەپتەيدى.