«تۇرعىن ءۇي قۇرىلىس جيناق بانكى» سالىمشىلارىنان وتەماقى تولەۋگە بايلانىستى قوسىمشا كەلىسىمدەر قابىلداۋدى باستايدى. «قازاقستاننىڭ تۇرعىن ءۇي قۇرىلىس جيناق بانكى» اق 467 مىڭنان اسا شارت يەلەرىنە، ونىڭ ىشىندە سالىمىندا 1 ميلليون تەڭگەدەن جوعارى قارجىسى بار سالىمشىلارىنا وتەماقى تولەيدى. وتەماقى تولەنەتىن سالىمداردىڭ جالپى سوماسى بۇگىندە 171،9 ميلليارد تەنگەنى قۇراپ وتىر، - دەپ حابارلايدى «قامشى» پورتالى Zakon.kz -كە سىلتەمە جاساپ.

باعام ايىرماشىلىعى بيۋدجەت قاراجاتى ەسەبىنەن جانە بانكتىڭ مەنشىكتى قاراجاتىنان تولەنەدى. قتقجب باسپا ءسوز قىزمەتىنىڭ حابارلاۋى بويىنشا، سالىم سوماسىنا ەشقانداي شەكتەۋلەر قويىلماعان. «تۇرعىن ءۇي قۇرىلىس جيناق بانكىندە» 2015 جىلدىڭ 18 تامىزىنا دەيىن اشىلعان دەپوزيتتەردەگى سالىمدارعا عانا وتەماقى تولەنەدى. ال، مىنانداي جاعدايلاردا تقج سالىمىنا وتەماقى تولەنبەيدى: «سالىم 2015 جىلدىڭ 18 تامىزىنا دەيىن بەرىلگەن تۇرعىن ءۇي، الدىن الا تۇرعىن ءۇي جانە ارالىق تۇرعىن ءۇي زاەمدارى بويىنشا قامتاماسىز ەتۋدە تۇرعان بولسا؛ اقشا سالۋ كۇنىنە باسپانانى ساتىپ الۋ-ساتۋ شارتتارى نەمەسە قازاقستان رەسپۋبليكاسى پرەزيدەنتىنىڭ 2007 جىلعى 20 تامىزداعى №383 جارلىعىمەن بەكىتىلگەن قازاقستان رەسپۋبليكاسىنداعى تۇرعىن ءۇي قۇرىلىسىنىڭ 2008-2010 جىلدارعا ارنالعان مەملەكەتتىك باعدارلاماسى اياسىندا كەيىننەن ساتىپ الۋمەن جالعا الۋ شارتى، قازاقستان رەسپۋبليكاسى ۇكىمەتىنىڭ 2014 جىلعى 28 ماۋسىمداعى №728 قاۋلىسىمەن بەكىتىلگەن «وڭىرلەردى دامىتۋدىڭ 2020 جىلعا» دەيىنگى باعدارلاماسى، وڭىرلىك تۇرعىن ءۇي باعدارلامالارى اياسىندا جاسالعان بولسا؛ بانكتىڭ ىشكى قۇجاتتارىندا كوزدەلگەن جاعدايلاردى قوسپاعاندا، بەلگىلەنگەن مەرزىم اياسىندا قوسىمشا كەلىسىمگە قول قويىلماعان جاعدايدا»، - دەلىنگەن حابارلامادا.

تۇرعىن ءۇي قۇرىلىس جيناق شارتتارىنا جاسالاتىن قوسىمشا كەلىسىمگە قول قويۋ 2016 جىلدىڭ 8 اقپانىنان باستالىپ، 1 ماۋسىمىنا دەيىن جالعاسادى (سوڭعى قابىلداۋ كۇنى - 2016 جىلدىڭ 31 مامىرى). وتەماقى الۋ ءۇشىن قتقجب-مەن جاسالعان كەلىسىمگە www.egov.kz پورتالىندا نەمەسە بانكتىڭ www.hcsbk.kz رەسمي سايتىندا ەلەكتروندىق-سيفرلىق قولتاڭبا ارقىلى قول قويۋ كەرەك.

ەسكە سالا كەتەيىك، ۇلتتىق ۆاليۋتا باعامى وزگەرىسكە ۇشىراعاننان كەيىن مەملەكەت باسشىسى ۇكىمەتكە قتقبج سالىمشىلارىنىڭ جيناعىن ساقتاۋ بويىنشا دەربەس مەحانيزم قاراستىرۋدى تاپسىرعان بولاتىن. وتكەن جىلدىڭ سوڭىندا «بايتەرەك» باسقارۋشى حولدينگى ق ر قارجى مينيسترلىگىمەن، ۇلتتىق ەكونوميكا مينيسترلىگىمەن، ينۆەستيسيا جانە دامۋ مينيسترلىگىمەن ءارى ۇلتتىق بانكپەن بىرىگە وتىرىپ، وتەماقى تولەۋدىڭ وڭتايلى تەتىگىن ازىرلەگەن ەدى. جالعىز اكسيونەر بەكىتكەن جىلدىق قارجىلىق ەسەپتىلىك جانە قارجى ءبولۋ تۋرالى ۇكىمەت قاۋلىسىن قابىلداعان ساتتەن باستاپ كۇشىنە ەنەتىن بارلىق قاجەتتى قۇجاتتار بانكتىڭ www.hcsbk.kz رەسمي سايتىندا ورنالاستىرىلعان جانە ولارمەن تانىسۋعا بولادى.