Qonaqqa bardyq. Bir qojaıynnyń bir aýlada jalǵa berip otyrǵan úıiniń bir buryshynda turady eken. Álden ýaqytta "esiktiń aldyna sý shashpańdar" dep kesirlene aıqaılap kele jatqan daýys estildi. Úıdiń qojaıyny ekeni birden bilindi. Qolarbasyn súırep, sómekesine irimshik-shujyǵyn,kókónis-jemisin salyp qaıqıyp kele jatqan kempirdiń túri sumdyq tanys.

"Myna kisini bireýge uqsatyp turmyn",-dedim.

Bir jerden kórgen sıaqtymyn. Mıym eriksiz sharlap izdep ketip edi, qasymdaǵy qurbym:

"Eı, mynaý baǵanaǵy bazarda qaıyr surap turǵan kempir ǵoı. "Detochka, pomogı" dep edi ezilip túsip, bar aqshańdy berip jatyr ediń ǵoı",- degende baryp, mıyma sart ete qaldy.

Qoldary dirildegende sumdyq aıanyshty, tissiz qyzyl ıegi kemseńdep, kebersigen ernin kári qoldarymen súrtkishtep:"

Jalǵyz ulym avarıadan qaıtys boldy, kelinim Reseıge ketip qaldy, qolymda kemtar nemerem bar, ash otyr", - dese qatty obrazǵa kirip ketsem kerek, áýelgide bersem degen 50 teńgege qosyp 500 teńge tastap ketkenim esime tústi.

Úıindegi kemtar baıqusyna bir táti alsynshy dep oıladym. Qatty janym ashyp:"Nemereńizge sálem aıtyńyz" degen maǵan myń ret batasyn berip, kózi jasaýrap qalǵan. Sóıtsem sol kempirim, protez tisin kıip alǵan, erindi boıap, jaman kıimin qolarbadaǵy sómkesine salyp alǵan-aý deımin. Tap-taza, qaıqıǵan qalypta irimshik-shujyq, jemis salynǵan paketin jerge qoıyp esigin ashyp jatyr. Aýzy da jiberip jatyr.

Qurbym túsine qoıdy ǵoı deımin.

"Apamdy jumys ústinen kórgensińder-aý deımin. Olar sondaı, myna jaqtaǵy orys apań da, arǵysy da solaı isteıdi. Qalanyń ortasynda bir úıin, myna aınaldyra jalǵa beretin páterleri bar. Juma, senbi, jeksenbi baryp qaıyr suraıdy. Dúısenbi-monshaǵa barady. Seısenbi kúni saıajaıyna ketedi", -deıdi.

Osylardy aıap talaı adam paket-paket azyq berip jiberedi. Olarǵa da aıtatyn jalǵyz balasy anda-sanda qara jıppen kelip turady. Keshirshi, bergen qaıyryń dalaǵa ketti sóıtip" deıdi. Sońǵy nanyn sýǵa ezip nemeresiniń aýzyna salyp, ózi ash otyryp ta "táýbe" deıtin bizdiń apalarymyz ǵoı", - degende baryp osy FBda qaıyr tilegenderge kómektesip jatqandardyń da eńbegi dalaǵa ketpese eken dep oılap otyrmyn da.

Gúlbaǵysh Bostannyń «Feısbýktegi» paraqshasynan alyndy