Osydan eki jyl ilgeride bolsa kerek, bir beıtanys jigit kókekte (QQ) keńeste otyryp, kenet maǵan mynadaı suraq qoıdy: «Aǵa, qazaq qaıtse damıdy? » . . .

Ia, bul oryndy, úlken suraq qoı, sol kezde men mynadaı jaýap qattym:

— Damý deısiz be?

— Ia, solaı. Qazaqtyń damýy

— Osyny surap otyrǵan sen óziń qazaqsyń ǵoı?

— Aıtary joq.

— Endeshe senshe «Qazaq» degen ne?

— Qazaq degen bir ult, tarıhy bar, mádenıeti, til jazý salt-dástúri bar. . .

— Ia, durys aıtyp otyrsyń, qazaq bir ult ataýy. Endeshe ol jalpy esim. Ol tek málim bir adamnyń mańdaıyna jazylǵan nemese soǵan qara aıtylǵan uǵym emes. Bálkim mynadaı aıtsaq, túsinýge ońaı bolar. Adam denesi qurýshy eń kishkene bólshek árbir organ músheleriniń birligi kletkalar (jasaýsha) bolar, endeshe osy adamnyń saý deneli atpal azamat bolýy úshin adam denesiniń barlyq kletkalary saý-deneli, qalypty qyzmet óteýi qajet bolar.

— Ia, solaı. Durys aıtasyz.

— Olaı bolsa, qazaqtyń damýy úshin, qazaqty qurap otyrǵan árbir qazaq balasy qazaqtyń eń kishkene birligi. Quraýshy element. Qazaq tulǵasynyń qalaı bolýy, árbir elementtiń qalaı bolýymen tike baılanysty. Qazaqty quraýshy kletkalar barlyǵy saý deneli bilimdár bolsa, bar kletka ózin damyta alǵan bolsa qazaq degen ataýda bir qadam ilgeri basqan bolar edi. Endeshe qazaqtyń qalaı bolýy qazaqpyz dep júrgen árbir qazaq balasynyń qalaı bolýymen tikeleı baılanysty. Eger barymyz damysaq, ári ózimizdi damytýdy kúsh salsaq qazaq damıdy. . .

— Aǵa, bul túsiniktemeńiz óte tamasha boldy. Men budan kóp nárseni sezingendeı bolyp otyrmyn. . .

— Ol jaqsy ǵoı. Sezinýdiń ózi bir baqyt deıdi. Alaıda, munda turaqtylyq ta qajet.

— . . . Raqmet aǵa. Men qulshynýǵa tısti ekenmin. . . .

Rasynda biz qulshynýǵa tıstimiz. . . Qaırat pen jiger, densaýlyq pen baıandylyq tileımin.

Tálip Núsipuly,

IT mamany, Kazakhsoft.com saıtynyń jetekshisi

 «Qamshy» silteıdi