Federaldyq tergeý búrosy Hılları Klınton jazalanbaıdy dedi. Barak Obama men Hılları Klınton Donald Trampqa qarsy tize qosty, - dep habarlaıdy Qamshy.kz.
AQSH federaldyq tergeý búrosynyń dırektory Djeıms Komı seısenbi kúni AQSH burynǵy memhatshysy Hılları Klıntonnyń jekelik elektorondy pochtasyna qatysty iske baılanysty onyń qylmystyq aıypqa tartylmaıtyndyǵyn jarıalaǵan bolatyn. Fedaraldy tergeý búrosynyń bul habarlamasynan kóp ótpeı-aq, AQSH prezıdenti Barak Obama Hılları Klınotonnyń úmitkerligin qoldap, halyq aldynda sóz sóıledi, - dep jazady USA today. Bul 2016 jylǵy alǵash ret prezıdent Barak Obamanyń Hılları komandasymen tize qosatynyn jarıalaǵany deıdi atalǵan aqparat kózi. «Bul ofısqa Hılları Klıntondaı laıyq keletin eshqandaı er nemese áıel adam joq», - dep sózin bastaǵan AQSH prezıdenti Hılları Klıntonnyń balalar densaýlyǵy jáne kedeılik máseleleri jaıyndaǵy jumystaryn joǵary baǵalaıdy.
Oǵan qosa, eks-memhatshynyń ekonomıkalyq josparlaryn da qoldaıtyndyǵyn jetkizdi. Al, respýblıkashyldar atynan úmitker mıllıardter Donald Tramp federaldyq tergeý búrosynyń habarlamasynan keıin: «Bul juıe burmalanǵan. Bári-ádiletsiz! Burynǵydaı jaman sheshim»,-dep jazǵan tvıtterde.
Talǵar Dálelǵazy, Chıkago, AQSH.
Derekkóz: USA Today, Yahoo News.
