Ýkraınalyq áıelder "#menaıtýǵaqoryqpaımyn" (#ıaNeBoıýsSkazat) atty fleshmob bastap ketti. Atalmysh fleshmobqa elimizdegi pedofılderdiń qurbandary da qosylyp, týysqandarynan qalaı jábir kórgenderin baıandady, - dep habarlaıdy Qamshy.kz Nur.kz -ke silteme jasap.

Ýkraınalyq jýrnalıs Anastasıa Melnıchenko barlyq pedofıldiń qurbanyna aınalǵan názik jandylardy únsiz qalmaýǵa shaqyrdy.

Odan keıin jýrnalıske ‪"#menaıtýǵaqoryqpaımyn" heshtegi arqyly zorlyq kórgen júzdegen boıjetken qosylǵan. Olardyń arasynda qazaqstandyq Aınur Nurseıitova bar.

"Ákesiniń qamqorlyǵynda júrgen maǵan on bir jasymda qonaqqa kelgen mas týysqan tıisken. Ol kezde men adam anatomıasy týraly kóp kitap oqyp, seksýaldy ómir týraly azyn-aýlaq biletinmin. Ákem ol turǵydan kitaptar berip, saýatymdy ashpaǵanda, men álgi aǵanyń maǵan ne istemek bolǵanyn uqpas ta edim. Ol meni qarańǵy bólmege ertip alyp baryp, "Kelshi, betińnen bir súıeıin" degende bastapqyda jaman oıy baryn bilmedim. Keıin ol qasyna jatqyzyp, qol júgirtip, ernimdi qanaǵansha súıe bastaǵanda men jylap, bar kúshimmen ony ıterip jiberdim. Odan qutylyp úlgerdim, degenmen sol áreketi úshin qatty uıalǵan edim", - dep esine aldy Nurseıitova.

Boıjetken sol jaıttan keıin inisi men ákesinen ózge eshbir er azamatqa senim bildire almaı kelgen.

"Osy jaıttan keıin men, tipti týǵan aǵalarymmen bir bólmede uıyqtaýdan qorqatynmyn. Bolǵan jaıtty tek jıyrma jyl ótkesin anama ǵana aıta aldym. Sebebi anam taǵy da bizge qonaqqa týysqandar keletinin aıtty. Qyzynyń basy tómen túsip, erni qanap, eldiń kózine qaraı almaı júrgenin baıqamaǵany úshin anama renishimdi aıttym. Degenmen jıyrma jyl ótse álgi ońbaǵan pedofıldi taýyp, óltirip tastaı ma degen qorqynyshpen ákeme sol beti aıta almadym", - dep jalǵastyrdy Aınur.

Dinarko Qasymbekova esimdi taǵy bir qoldanýshy pedofılden jábir kórgen eken.

Eki qabatty úıdiń birinde oınap otyrǵan on jasar qyz balaǵa 15 jastaǵy jıeni kelip, bir qyzyqty "eresekterdiń oıynyn" oınaýǵa usynys jasaıdy.

Bári erinnen súıýden bastalyp, keıin álgi jetkinshek qyz balamen jynystyq qatynasqa túsedi. Ol kezde óziniń uıatty áreketke baryp júrgenin túsinbegen qyz bala jaz boıy eresekter úıde joq kezde jıenimen osylaı oınap júrgen.

"Sol on jasar qyz men edim. Keıin burys dúnıe jasaǵanymdy túsine bastap, jıenimnen qashqaqtaıtyn boldym. Al bul týraly ata-anam áli kúnge deıin túk bilmeıdi", - deıdi Qasymbekova.

Odan keıin boıjetken 23 jasynda da zorlanǵan.

"Almaty. Jańbyrly kún. Jumystan kele jatqanymda aınala tym-tyrys boldy. Bir kezde qarańǵy burylystan óte bergenimde artymnan bir jigit soqqy jasady. Esimnen tanyp qaldym. Ol meniń denemdi basqa jaqqa súırep aparyp, ámıanymdy alyp, taıyp turǵan. Esimdi jıǵasyn, taksımen úıge zymyradym. Ata-anama jetkende ǵana zorlanǵanymdy túsindim", - deıdi boıjetken.

Fleshmobqa Aınur Ábsemetova esimdi turǵyn da qosylǵan.

"Maǵan toǵyz jasymda stýdent aǵam úsh tún boıy tıisýge áreket etken. Men qorǵaný úshin jastyǵymnyń astyna qaıshy sekildi ótkir zattar jasyrmaıynsha, uıqyǵa jatpaıtynmyn. Ózge bólmede ata-anam uıyqtap jatty. Anam meniń ne úshin toqtaýsyz jylaǵanymdy túsingen joq. Men qatty qorqyp, qatty uıalǵannan bolǵan jaıtty durystap túsindire almadym. Al jylaýymdy tek anam qatty shapalaqpen urǵanda ǵana qoıa aldym", - dep esine aldy Ábsemetova.

Boıjetkendi 17-18 jasynda taǵy eki ret zorlaǵan.

"Beıtanys adam senimińe kiredi (ortaq tanystary baryn jeleý etip), kúshtep seni súırep áketedi, keıin zorlap, isin tyndyrǵasyn esikten laqtyra salady. Men ózime senimdi qaıtara almaı kóp qınaldym", - deıdi Aınur.