Radıkal aǵymdardyń ustanýshylary birneshe jyldan beri Aqtóbe oblysynda dala janýarlaryn óltirip, jattyǵyp júr, - dep habarlaıdy Qamshy.kz Tengrinews.kz -ke silteme jasap.

Bul týraly AktobeTimes basylymyna jergilikti ańshylar men ormanshylar habarlaǵan.

"2014-2015 jyldary brakonerler olarmen tóbelesip qalyp, atysqan. Bul Sarkól aýylynyń mańynda boldy. Túnde olar qoıan men borsyqtardy óltirip jattyǵady. Olardy ustaǵymy kelgende qarsylyq tanytty. Al tańerteń kóligimniń kapotynan oq dári taptym. Onda kelesi joly bul oq dáriniń meniń denemnen biraq shyǵatyny týraly jazylǵan", - dep habarlady burynǵy ormanshy. 

Onyń aıtýynsha, aıtylyp otyrǵan adamdar ádettegi brakonerler emes, olar ańshylyqqa óz januıalaryn asyraý úshin  shyqpaıdy. "Olar "Pıkap", "Gazel" sıaqty kólikter minedi, munaı urlap, ómir súredi. Óte uıymshyl ári saýatty. Ustalǵan kezinde ne isteý kerek ekenin biledi, zańnan úzindiler keltiredi, atýdy eti men terisi úshin emes, qarýly qaqtyǵysqa daıyndalady", - dedi basylymǵa ol.

"Qarǵaly aýdanynda ormanshylar atys shyqqan jaqqa birneshe ret baryp kórip, nysandarǵa oq atyp jatqandaryn da kórdik. Osyndaı qaýipti jerlerdiń biri - Besqopa aýyly. Ormanshylardyń basym bóligi bul jerden aýlaq júrýge tyrysady", - deıdi ol. 

Alaıda, onyń aıtýynsha, ormanshylar ýahhabtardyń jasyryn jattyǵýdy qaıda jasap júrgenin kórsetýge daıyn, alaıda olar óz ómirleri úshin qorqyp otyr eken. "Quqyq qorǵaý organdary kepil bolsa, sol dalalyqqa aparyp kórseter edik, polısıa men UQK kelse, aıtyp berer edik. Al bizde Bestamaq tas jolynyń boıynda polısıa shaqyrtsań, 2-3 saǵattap kútesiń", - deıdi er adam. 

Al ańshy Aleksandr Mandrykın bylaı deıdi: "Hromtaý aýdanynda men jeti jyl buryn adamdar tobyn kórgenmin, olar aqqýlardy jappaı qyryp tastady. Ekinshi jaǵdaı Rodnıkovka aýylynyń mańynda boldy. Júk kóligin kórdim, ol burylyp, toǵyz adam sapqa tura qaldy. Ol jaqta jattyǵýlar ótip jatty. Bul jerge barý óte qıyn edi. Al kelesi kúni UQK-da isteıtin tanystarym bul aýyldyń mańynda resmı jattyǵý ótpegenin habarlady".