Ǵaryshkerler kúnine oraı aıaqtalýy tıis "Fenıks" atty fantasıkalyq trıllerdi ýaqytyly bitire almaǵanyna mınıstrdi kinálaǵan rejıser Talǵat Jánibekov vıdeo málimdeme jasady, - dep habarlaıdy Qamshy.kz NewTimes.kz agenttigine silteme jasap.

Vıdeoda kınorejısser Talǵat Jánibekov mınıstr Arystanbek Muhamedıulyn para surady dep aıyptaıdy.

"Bılik jumys istemeıdi. Biz urlyq bolyp jatqanyn dáleldeıtin qujattardy kórsetýdemiz. Urlyqqa qatysy barlar arasynda akter, prodúser, "Qazaqfılm" prodúserlik ortalyǵynyń vıse-prezıdenti Serik Jubandyqov jáne mınıstr Arystanbek Muhamedıuly bar. Muhamedıulynyń adamdary maǵan múldem kelisimimdi bere almaıtyn suraqtarmen keldi. Joq degennen keıin jobamyzdy toqtatyp tastady", - deıdi Jánibekov.

Aıta keteıik, "Fenıks" tóńireginde daý-damaı 2015 jyly bastalǵan. Arystanbek Muhamedıuly keı jerleri jónge keltirilmegendikten, jobany qarjylandyrý ýaqytsha toqtaıtynyn aıtqan bolatyn.