Kókshetaý qalasynda qurylys jumystaryn júrgizý barysynda balabaqsha irgetasynan  adam súıekteri tabyldy. Oqıǵa ornyna jedel jetken anyqtaý toby úsh adamnyń bas súıegi men ózge de qańqalardy anyqtaǵan, - dep habarlaıdy Qamshy.kz  31-arnaǵa silteme jasap. 

Jumysshylar bala-baqshanyń irgetasyn turǵyzbaqshy bolyp, jerdi qaza bastaıdy. Kenet kútpegen jaǵdaıǵa tap  bolady. Eki metr tereńdikke jetkende, adam súıekteri jatqandyǵyn baıqaǵan. Shaqyrtýmen oqıǵa ornyna jedel-anyqtaý toby jetedi. Olar  úsh adamnyń bas súıek, qańqalarynan bólek,  qumyra ydys, áshekeı buıym men shirigen taqtaıshalardy tapqan. Mamandar,  bul  ejelgi adamdardyń súıegi bolýy múmkin deıdi. Bir qyzyǵy adam qańqalary jer astyndaǵy qubyr júıesiniń qasynan tabylǵan. Buǵan  deıin eshkimniń baıqamaǵany kúmán týǵyzady. Qazirgi kezde súıekter máıithanada zerttelýde.  

Gúlnár Pınchýk, Aqmola oblystyq İshki ister departamenti baspasóz qyzmetiniń jetekshisi:

- Súıekterdi qozǵaǵan kezde birden úgitile bastady. Tek bas súıekterin ala aldyq. Sot-medısınalyq sarapshysynyń aıtýynsha adam qańqalary jer astynda uzaq ýaqyt boıy jatqan. Qazirgi kezde saraptama taǵaıyndaldy, anyqtaý jumystary júrgizilýde.