Bokstan Beıjiń Olımpıadasynyń chempıony Baqyt Sársákbaev bankke 13 mıllıon 600 myń teńge qaryz bolyp shyqty. Basy daýdan arylmaı, bapkerimen de, jubaıymen de arazdasqan boksshynyń sot isi áli jalǵasyp jatyr, - dep habarlaıdy Qamshy.kz  31 arnaǵa silteme jasap.

"Qazaqstan halyq banki" Astanadaǵy Saryarqa aýdandyq sotyna Sársákbaevtyń ústinen azamattyq aryz túsirgen. Boksshy 120 aılyq merzimge 15% syıaqy mólsherlemesi kóleminde 13 mıllıon  600 000 teńge nesıe alyp, jyljymaıtyn múlik retinde Astana qalasyndaǵy jeke páterin kepilge qoıypty. Sońǵy tekseristerden keıin sot eki jaqty kelisimdi jaramsyz dep tanydy. Óıtkeni, onyń óz mindetinen jaltarmaq bolǵany anyqtalǵan. Endi boksshy bankke qaryzy men memleket paıdasyna sot shyǵyndaryn tolyq óndirip berýi kerek. Buǵan deıin Baqyt Sársekbaev taǵy bir sotta jeńilip, ózine tıesili avtokólikti  Elvıra Sársekbaevaǵa berýge sheshim shyqqan bolatyn.