Almatyda janarmaı quıý beketine qaraqshylyq shabýyl jasaldy. Qaıta adamdardyń bári aman. Betperde kıip, ǵımaratty basyp kirgen eki kúdikti de kóp uzamaı qolǵa tústi. Ekeýi de 18 jasta, - dep habarlaıdy Qamshy.kz 31 arnaǵa silteme jasap.
Belgili bolǵandaı, olar Jetisý aýdanyndaǵy janarmaı beketteriniń birine kirip, kasırge qarý kezenip, aqsha talap etken. Sóıtip, qomaqty qarjy men kasırdiń uıaly telefonyna deıin ózderimen birge alyp ketken.
Ustalǵan azamattar buǵan deıin de osyǵan uqsas qylmystyq áreket jasaýy múmkin deıdi qalalyq İshki ister basqarmasy. Tańǵy saǵat 4-te betperde kıip janarmaı beketine shabýyldaǵan kúdiktiler 110 myń teńgeni qoldy qylǵan. Almaty oblysynyń İle aýdanynda turatyn qos azamattyń kinási dáleldense, jeti jylǵa deıin bas bostandyǵynan aıyrylýy múmkin. Ázirge ekeýi de ýaqytsha abaqtyǵa qamalǵan.
- Qylmystyq kodekstiń 192 baby, ekinshi tarmaǵy boıynsha sot aldy tergeý amaldary jalǵasý ústinde. Buryn bul eki bozbala qylmys jasamaǵan kórinedi, degenmen, aldyn ala málimetimizshe, tárizdes qylmystarǵa qatysy bolýy múmkin degen boljam bar. Tek Almaty qalasy emes Almaty oblysy kóleminde bolǵan qylmystarǵa qatystylyǵyn mindetti túrde tekseremiz, - deı di Almaty qalalyq İİD baspasóz hatshysy Saltanat Ázirbek.
