Astanada eki jigit qaladaǵy eń úlken kópirdiń ústine órmelep ketti. Olardyń bıiktikten túsip kele jatqanyn turǵyndardyń biri baıqap, uıaly telefonǵa túsirip alǵan, - dep habarlaıdy Qamshy.kz KTK arnasyna silteme jasap.
-Júrek jutqan jigitter ǵoı. Neleri bar deseıshi? Arǵy jaǵynan mindi, bergi jaǵynan túsip jatyr...
Taspada jas jigitterdiń kópirge qaýipsizdik beldiginsiz shyǵyp ketkeni anyq kórinedi. Kýágerlerdiń aıtýynsha, ekeýi adrenalın úshin bıikke órmelegen. Alaıda, qyzyq qýǵandar kez-kelgen sátte tómenge qulap ketýi ábden múmkin edi. Qazir astanalyq polıseıler tentekterdiń aty-jónin anyqtaýda. Buzaqylarǵa 20 myń teńgeden astam aıyppul salynýy múmkin.
Aıta ketý kerek, Esildiń oń men sol jaǵalaýyn baılanystyryp turǵan bul kópirge kóbine adamdar óz-ózine qol jumsaý úshin órmeleıdi. Jýyrda 36 jastaǵy Tájikstan azamaty qolyna pyshaq alyp, dál osy kópirden sekirip ólmek bolǵan. Jartylaı jalańashtanǵan Abdýlla Rýzeevti elshildiktegiler men polıseıler kelip, áreń aman alyp qalǵan edi.
