Soltústik Qazaqstan oblysynda polıseıler burynǵy áıelin óltirdi delingen Peskı aýylynyń 28 jastaǵy turǵynyn ustady. Aldyn ala málimet boıynsha, er adam bastapqyda áıelin soqqyǵa jyǵyp, keıinnen onyń denesin sýǵa batyryp jibergen, - dep habarlaıdy Qamshy.kz Tengrinews.kz -ke silteme jasap.

1988 jyly dúnıege kelgen áıeldiń denesin balyqshylar Peskı aýylyna jaqyn Esil ózeninen tapqan. Áıel aıaq-qolyna tas baılanǵan kúıi tabylǵan. Al basynda jaraqattyń izderi qalǵan.

Aıta keteıik, Peskı aýylynyń turǵyny mamyr aıynyń sońynda joǵalyp ketken bolatyn. Polıseıler men týystary osy ýaqyt boıy izdestirý jumystaryn júrgizgen.

Al ustalǵan turǵyn sotqa deıingi tergeý jumystary kezinde kinásin moıyndady. Onyń aıtýynsha, 26 maýsymǵa qaraǵan túni ol áıelimen janjaldasyp, soqqyǵa jyqqan. Keıin onyń denesin Esil ózenine tastaǵan.

"Qazirgi ýaqytta kúdikti ýaqytsha ustaý ızolátoryna qamaldy. Oǵan qatysty bultartpraý sharasyn qoldaný josparlanyp otyr. İske qatysty qajetti saraptamalar taǵaıyndaldy", - dedi Ǵabıt Músirepov aýdandyq İİB basshysynyń orynbasary, polısıa kapıtany Azat Qusaıynov.

Aıta keteıik, burynǵy erli-zaıyptylar resmı túrde 2015 jyly ajyrasqan eken. Olardyń kámeletke tolmaǵan eki balasy bar bolyp shyqty.