Kókshetaýda salyq komıteti ǵımaratynyń aldynda er adam ózin jaryp jibermek boldy, - dep habarlaıdy Qamshy.kz Aqmola oblysynyń ishki ister departamentiniń baspasóz qyzmetine silteme jasap.

Kókshetaý qalalyq ishki ister basqarmasynyń kezekshi bólimine 43 jastaǵy er adam qońyraý shalyp, salyq komıteti qyzmetkerlerimen arada týyndaǵan janjaldy sheshýge kómek kórsetilmese, ózin jaryp jiberetindigin aıtqan.

Jedel izdestirý kezinde ákimshilik ǵımarat mańynan jarylǵysh zattar tabylmaǵan.

Polıseıler kúdiktiden jaýap alý kezinde ol 200 myń teńgeden astam iri kólemdegi aıyppulmen kelispegendikten osy qadamǵa barǵandyǵyn aıtqan. Tekserý kezinde anyqtalǵandaı, onyń atyna jeke kásipkerlik qyzmetine patent tirkelgen. Biraq onda basqa adamdar jumys istegendikten, kúdikti eshqandaı paıda kórmegendigin aıtypty. Endigi jerde ashýǵa boı aldyryp zańsyz áreket jasaǵany úshin QR Qylmystyq Kodeksiniń 1-bóliminiń 115-baby boıynsha kúdiktiniń ústinen qylmystyq is qozǵaldy.