Oqıǵa 5 shilde kúni Qazyǵurt aýdanynda oryn alǵan. Jergilikti turǵynnyń úıinde jaldanyp jumys istep júrgen Ózbekstan azamattary úı ıesi - 1976 jyly týǵan áıeldi birneshe ret pyshaqtap, onyń 2,5 mıllıon teńgesin qoldy qylǵan. Aýyr jaraqattanǵan jábirlenýshi aýrýhanada, - dep habarlaıdy Qamshy.kz Sn.kz -ke silteme jasap.
Oqıǵa ornyna kelgen polıseıler kúdiktilerdi izin sýytpaı ustaı almaǵan. Degenmen, shuǵyl izdeý jumystary barysynda 1994 jyly týǵan Ózbekstan azamaty qolǵa tústi. Ol qazirgi tańda qamaýǵa alynyp, tergeýshilerdiń suraqtaryna jaýap berip jatyr.
Tártip saqshylary atalǵan jaıt boıynsha "qaraqshylyq" deregimen qylmystyq is qozǵady. Aıǵaq zat retinde pyshaq tárkilengen. Al, 1986 jyly týǵan ekinshi ózbek azamatyna izdeý jarıalandy. Sotqa deıingi tergeý amaldary júrgizilýde.
