Reseı tarapy Baıqońyrdan ázirge bas tartpaıtynyn aıtyp otyr. Tipti, Vostochnyı ǵarysh aılaǵy qurylysynyń ekinshi kezeńi aıaqtalǵannan keıin de Roskosmos Baıqońyrdan óz zymyrandaryn ushyrýdy jalǵastyra bermek, - dep habarlaıdy Qamshy.kz.
Bul týraly Roskosmos basshysy Igor KOmarov málimdedi dep jazady roscosmos.ru.
"Baıqońyrdy tastap, barlyq ushyrýlardy Vostochnyı aılaǵynan júrgizý josparda joq ekenin ashyq aıta alamyn. Baıqońyrda pılotty ushyrýlarǵa qajetti ınfraqurylymnyń barlyǵy qalyptasqan, onyń ústine ushý aldyndaǵy daıyndyq júrgizetin ortalyq ta bar. Jáne bul ortalyq ózin jaqsy qyrynan kórsetti, onyń áleýeti áli de uzaqqa jaraıdy. Sondyqtan, "Soıýz" zymyran tasyǵyshtaryn Baıqońyrdan ushyrý ázirge durys sheshim bolyp otyr", - deıdi Komarov.
Onyń aıtýynsha, Vostochnyı ǵarysh aılaǵynan da pılotty ushyrýlar júzege asatyn bolady. Ol jerden jańa "Angara-5P" zymyran tasyǵyshy ushyrylsa, Baıqońyrdan ýly "Proton" raketalaryn ushyrý jumystary jalǵasa bermek.
