Dúnıejúzilik densaýlyq saqtaý uıymynyń málimeti boıynsha, jyl saıyn 80 mıllıonǵa jýyq áıel josparsyz júkti bolyp, solardyń 20 mıllıony jasandy túsik jasatýǵa barady eken. Elimizdi de bul másele syrt aınalyp ótpedi. Qazaqstan memleket bolǵaly óz Otanymyzda 4 mıllıonnan astam abort jasalǵan. Ol tek jaı ǵana abort emes, ananyń densaýlyǵy men balanyń ómirine balta shabý, - dep jazady Qamshy.kz 31 arnaǵa silteme jasap.

Áleýmettik taqyryptardy qylqalamyna arqaý etken Ańsaǵan Mustafanyń jumystary búginde birneshe tilge aýdarylyp, áleýmettik jelilerde keń talqylanyp júr. Sýretshiniń GRAFIKA "Mama, meni óltirmeshi!" atty jumysyn 2 myńǵa jýyq ınternet qoldanýshy kóshirip basyp, abort taqyrybyna qatysty pikir qaldyrǵan eken. Arasynda sóıleıtin sýretterden áserlenip, jasandy túsikten bas tartqan boıjetkender de bolǵan. Tipti avtorǵa alǵysyn aıtyp, balasynyń ómirin saqtap qalǵany úshin "kindik sheshe" etip saılaǵandary bar.

-Endi ne isteımin abort jasaýǵa týra keledi-aý dep, 2 aptadaı depresıaǵa túsip jattym -deıdi úıde. Qozǵalmaı, tamaqty da ishpeı, eshteńke kórmeı. Jasandy túsik jasaý kerek dep sheshim qabyldadym, sosyn ınternetke kire salaıynshy dep, feısbýkqa kirip qalǵan kezde jańaǵy sýret aldymnan shyǵa keldi -deıdi da, "Mama meni óltiretin shyǵar" degen. Sony kórdim da, ishimdegi balapanymnan keshirim surap, jylap, sóıtip oıymnan aınyp ony dúnıege keltirdim -deıdi. Bir alty aılyq hodýnokta otyrǵan balanyń fotosyn salyp jiberdi maǵan, - deıdi sýretshi Ańsaǵan Mustafa.

Al psıholog Anna Mergenbaeva er jetip, boıjetip kele jatqan ul-qyzdarmen ashyq áńgimelesip, ıntımdi ómir zańdylyqtaryn búkpeı ata-anasy túsirdirý kerek -deıdi. Maman pikirinshe, qyz anasymen syrlas bolmasa, basyna týǵan jaǵdaıdy ishteı tynyp, ózi jalǵyz sheshýge tyrysady eken. Al qadamyn shalys basyp, adasqan qyzdarymyzdan jaqyndary keri aınalmaı, qoldaý kórsetip, erimen tabystyryp kórgeni abzal -deıdi psıholog.   

- Qatygez ata-analar sál oılansa, múmkin biz qazir ájethanaǵa balany tastamaıtyn ba edik, bizdiń qyzdar abort jasamaıtyn ba edi, múmkin sol jigitter qashyp ketpeı sheshesinen qorqyp, kelip úılenetin be edi. Ol jigitterdiń de keı kezde shesheleri qarsy bolady ǵoı, ana qyzdyń beti jaman, myna qyzdyń rýy jaman, bolmaıdyshy, bolmaıdy dep. Al biraq sol jigitterdiń bireýi keıin narkoman bolyp ketedi, ekinshisi maskúnem bolyp ketedi, sýısıd jasaıdy, - degendi aıtady psıholog Anna Qudıarova.     

Sýretshi Ańsaǵan Mustafanyń sońǵy eńbeginde anasynyń júregine jarmasyp, ony qushaqtap jatqan sábıdiń sýreti men artynan tónip kele jatqan hırýrgıalyq qysqysh beınelengen. Medısınada ony balanyń porsha-porshasyn shyǵaryp, jatyrdan ony bólshektep alyp tastaý úshin qoldanady. Avtor bul eńbegi ózge sýretteri sıaqty kóp ananyń sana-sezimin oıatar degen senimde.