inDriver taksı qyzmetiniń ókilderi abyroıyn saqtap qalý úshin Qazaqstan bıligimen sottasýǵa nıetti. Bul týraly uıaly qosymshanyń basshylyǵy "Novyı vestnık"basylymyna bergen suhbatynda aıtty, - dep habarlaıdy Qamshy.kz Tengrinews.kz -ke silteme jasap.
Reseılik kompanıanyń ókilderiniń aıtýynsha, olardyń respýblıka jumysynda jumysy zańdy. "Qosymshany Qazaqstanda tehnıkalyq qulypqa túsirý sot tártibinde júzege asyrylmady. Biz ony zańsyz dep esepteımiz jáne sot tártibinde dáleldemekpiz", - dep málimdedi uıaly qyzmettiń baspasóz hatshysy Nadejda Alekseeva.
"inDriver - tolyqtaı zańdy ınternet-servıs, ol halyqqa zor paıdasyn tıgizedi, bul qyzmet nápaqa tabýǵa jáne sapardy yńǵaıly, arzan ári qaýipsiz etýge múmkindik beredi, ásirese kóshedegi taksılermen salystyrǵanda. Jeke tasymaldaýmen aınalysatyn júrgizýshilerdi tartýǵa nıet bildirip otyrmyz, olarǵa quqyq salasynda jáne qujat tirkeýde kómekke ázirmiz. Biz Qazaqstandaǵy resmı tasymaldaýshylarmen kelisimshartqa otyrdyq, olar jeke júrgizýshilerdiń qyzmetin tasymaldaý erejesimen sáıkestendiredi", - dep túsindirdi Alekseeva.
Basylymnyń málimetinshe, osyǵan deıin qaraǵandylyq taksılerdiń gıldıasynyń ókili Vıktor Shabanov inDriver qyzmetiniń tasymaldaýshylar arasynda tártip ornatýǵa kedergi bolyp otyrǵanyn aıtqan.
"Erejede bári qarapaıym jazylǵan, - deıdi Vıktor Shabanov. - Júrgizýshiniń kem degende dıspecher qyzmeti bolýy tıis. Bul ne úshin? Máselen, ol jolaýshyny aldy delik, biraq jolda kóligi buzylyp qaldy, dıspecherge habar berip, jolaýshyny basqa kólik kelip, barar jerine jetkizip tastaıdy. Al qosymsha arqyly tasymaldaıtyn júrgizýshi mundaı jaǵdaıda ne isteıdi? "Boldy, buzylyp qaldy, túsip qalyńyz, saý bolyńyz" deıdi. Eshkimge shaǵym da aıta almaısyz. Onyń jolaýshy saqtandyrýy, 500 metrden kórinetin jaryqshasy, kólik beıdji, tehnıkalyq baıqaýdan ótkenin aıǵaqtaıtyn jol paraqshasy jáne medısınalyq baıqaýdan ótkeni jaıly anyqtamasy jaıly sharttary taǵy bar".
2016 jyldyń sáýirinde resmı tasymaldaýshylardyń kóptegen aryz-shaǵymynan keıin baılanys komıteti Qazaqstan terıtorıasynda inDriver qyzmetine kirýdi shekteý týraly sheshim qabyldaǵan bolatyn. Keıin inDriver qaıta jumys istep turdy. Endi qaraǵandylyq taksı júrgizýshileri vırtýaldaǵy áriptesiniń ústinen taǵy da shaǵym túsirip otyr.
