Astanadaǵy «Báıterek» monýmenti janynda «Astana Motorsports» komandasynyń ekıpajdaryn tanystyrýǵa arnalǵan úlken merekelik shara ótti. Oǵan Astana qalasynyń jańa ákimi Áset Isekeshev te qatysyp qaıtty. Alaıda is-sharaǵa jınalǵan halyq qalanyń jańa basshysyn tanymaı qalǵan tárizdi, - dep habaralaıdy Qamshy.kz Baq.kz -ke silteme jasap.

Bálkim, Áset Órentaıuly sol jerde halyqtyń ony tanymaǵanyn ózi de qalaǵan shyǵar. Sebebi adamdar onyń ákim ekenin bilip qoısa, aryz-shaǵymdardyń kóbeıetini belgili. Sodan bolar, qalanyń jańa basshysy sahnanyń shetinde turyp, «Astana Motorsports» komandasymen bir-eki ret fotoǵa túskennen keıin óz «komandasymen» serýendep ketti.

Astana ákimi «Báıterek» monýmentinen «Nursaıaǵa» deıin jaıaý júrip, sol jerde biraz ýaqyt turyp, óz orynbasarlarymen áńgimelesti. Sonda da ol halyq kóp júretin sý burqaqtar jaqta emes, «Nursaıa-2» turǵyn úı kesheniniń buryshynda aıaldaýdy jón kórdi.

Sol jerde jarty saǵattan artyq ýaqyt turǵan qala ákimin eshkim tanymady. Biz onyń dál qasynan jaıaý júrginshiler jolaǵymen ótken birneshe adamnan: «Anaý jerde turǵan adamdy tanymadyńyz ba?», - dep surap edik. Bári: «Joq, tanymadyq», - dep jaýap berdi.