Astanaǵy "Ata-Kent" turǵyn úı kesheninde óz balkonynda ózin-ózi órtemek bolǵan Olga Svetkova iz-tússiz joǵalyp ketti, - dep habarlaıdy Qamshy.kz NewTimes.kz -ke silteme jasap.

Ózin órtemek bolǵan Olga Svetkovany Astana ákimdiginiń qyzmetkerleri izdep jatyr. Áıel qurylys kompanıasynan ózine tıesili aqshany alýy kerek edi, alaıda iz-tússiz joǵalyp ketken.

Svetkovanyń joǵalýyn onyń zańgeri Mahambet Ábjan da rastap otyr.

-Men onymen baılanysqa shyǵa almaı otyrmyn. Telefony sóndirýli. Tipti ne isterimdi bilmeımin. Onyń qarjylyq jaǵdaıy óte aýyr edi. Bar qundy zatyn lombarqa ótkizip tastaǵan. Ózine benzın quıǵan páterden ony qýyp shyqqan. Svetkovany ákimdiktiń ishki saıasat bólimi qyzmetkerleri, jýrnalıser bári izdep jatyr. Maǵan habarlasyp suraıdy, ózim de onyń qaıda ekenin bilmeımin, - deıdi quqyq qorǵaýshy Mahambet Ábjan.

Esterińizge sala keteıik, 5 shilde kúni Kóktal shaǵyn aýdanynda jańa salynyp jatqan úıden páter alý úshin toǵyz mıllıon teńge quıǵan Olga Svetkova shinshi qabattaǵy óz páteriniń balkonynda ústine benzın quıyp, ózin-ózi órtemek bolǵan edi. Oqıǵa ornyna «Ata kent» Turǵyn úı kooperatıviniń basshysy Qaırat Bodaýhan  jeti kúnniń ishinde quıǵan qarjysyn qaıtaryp beretini týraly qolhat jazyp bergen edi.

Áıel keshe 12 shilde kúni aqshasyn qaıtaryp alýy kerek bolǵan.