Qostanaı turǵyny 39 jastaǵy Galına Vorobeva semizdiktiń tórtinshi kezeńine jetip, aýyr salmaqtan zardap shegip otyr, - dep habarlaıdy Qamshy.kz Alau.kz -ke silteme jasap.

Galınanyń salmaǵy 350 kelige jetken. Dárigerler onyń týa bitti syrqattan keıin shekten tys salmaq qosqanyn aıtady. Eshqashan aryq bolmaǵan Galına óziniń erekshe ekenin bala kezden baıqaǵan.

-Mende bir nárseniń durys emes ekenin baıqaıtynmyn. Óıtkeni anam ekeýimiz birdeı ólshemdi kıim alatynbyz. Men 11 jasymda, esimde, anam 50 nemese 52 ólshemdi kıim kıetin, men de solaı, - deıdi Galına Vorobeva.

Galınanyń aıtýynsha, oǵan 14 jasynda "júıkeniń syr berýinen zatalmasýdyń týabitti buzylýy" degen dıagnoz qoılǵan. 

9 synypty bitirgen Galına úsh jyl boıy úıinen shyǵa almaı qalǵan. Sosyn ol úıde qarap otyrmaı, Qostanaı oblystyq aýrýhanasynda sanıtar bolyp jumys istegen. Ári qaraı satýshy da, kúzetshi de bolǵan.

"Ol kezde salmaǵym aıtarlyqtaı qıyndyq týdyrmaıtyn. Ózime jarasatyn kıimder kıetinmin. Dostarym da, maǵan ǵashyq bolǵan er azamattar da kóp edi", - deıdi Galına.

Galına Vorobeva dárigerge sońǵy ret 1991 jyly qaralǵan. Densaýlyǵyna kóp shaǵymdanbaıtyn Galınanyń jaǵdaıy birneshe apta buryn kúrt nasharlap,  ony qutqarýshylar Qostanaı oblystyq emhanasyna jetkizgen. Áıeldi ekskavatormen tasýǵa týra kelipti.