Rahymjan Otarbaev «Qamshy» saıtyndaǵy suhbatynda «Qazaqpyn deseń eshkim tanymaıdy, Fılıpınsiń be, Taısyń ba, Japonsyń ba dep barlyq azıattardyń ataýyn telip shyǵady» deıdi. Rasynda shetelge baryp kelgen adamdardyń aıtýy boıynsha Qazaq elin, qazaq ultyn eshkim bilmeıdi, biraq Nursultan Nazarbaevty bári biledi dep maqtanysh sezimimen aıtady. Árıne Elbasymyzdyń álemdik deńgeıdegi tulǵa ekendiginde júregimiz jarylǵansha qýanamyz. Biraq jer kólemi álemde 9 orynda, tabıǵı baılyǵy boıynsha álem boıynsha alǵashqy ondyqtyń ishinde kiretin osyndaı alyp memleketti bilmeý kúlkili jaǵdaı emes pe. Nege olaı?
Bir kezde babalarymyz Shyńǵys han, Edil (Attıla) tulǵalaryn álem bilgenmen búgingi kúni Shyńǵys han qurǵan uly memlekettiń – ulan-ǵaıyr ımperıanyń – qaı halyqqa tıesili ekenin anyqtaı almaı birese mońǵol birese qazaqqa telinýi qazaq tarıhynyń joqtyǵynan. Árıne qaı ulttyń memleketi ekenin anyqtaý úshin tildiń de tikeleı qatysy bar negizgi kórsetkish der edim. Olaı dep aıtpaǵym, jyldar óte N. Nazarbaev qurǵan memleketti de zertteýshiler orys memleketin qurǵan dep topshylaýy múmkin ǵoı. Sebebi búgingi kúni elimiz orys tildi memleket ekenimiz álemge aıan. Sondyqtan qazaq memleketiniń, ony qurýshy qazaq ultynyń abyroıy men tilin kóterip elimizdi álemge pash etip qana qoımaı sol Altyn orda handyǵynyń tikeleı murageri ekenimizdi dáleldeý kerek. Biraq ókinishke qaraı elimizdi álemge tanytatyn syrtqy ister mınıstrimiz kóne ıvrıt tilinde maıyn tamyzyp sóılegenmen, qazaq tilinde qaqpaıdy.
Degenmen, álem Japonıany «toıoto», «honda» t.b. brendteri arqyly tanıdy, biraq onyń ımperatorynyń kim ekenin qyzyǵýshylyq tanytqan adamdar ǵana biledi. AQSH-ryn ulylyǵyn úzdik tehnolgıalar, ómir súrý deńgeıiniń joǵarlyǵy arqyly tanıdy, biraq jıi aýysqan prezıdentterdiń atyn bilý mindet dep sanamaıdy, tek memlekettiń ulylylyǵyn ǵana moıyndaıdy. Al biz moıyndaýymyz kerek 25 jyldyń ishinde bizdiń úkimet Qazaq elin álemge tanyta almady!
Al, Adam máńgilik emes, úkimette otyrǵan menedjerler álemge qazaqty úzdik tehnologıalar arqyly tanyta almas, óıtkeni «ınovasıaly údemeli jobalar» ashylyp, ile jabylyp jatyr, endeshe ózbekterdi ala shapany men ala taqıasy, qyrǵyzdardy aıyr qalpaǵy men «Manas» jyry arqyly tanysa, al qazaqty ózimizdiń ulttyq brendterimiz arqyly bilsin.
Ersin Erǵalıev
