QR Qarjy mınıstri Baqyt Sultanov Aqordada Elbasynyń tóraǵalyǵymen ótip jatqan QR Úkimetiniń keńeıtilgen otyrysynda elimizdiń qarjylyq jaǵdaıy týraly esep berdi, - dep habarlaıdy Qamshy.kz BNews.kz - ke silteme jasap.

«2016 jyldyń 8 aıynda elimizdiń búdjeti rekordtyq deńgeıge jetip, daǵdarysqa tótep berdi. Memlekettik qarjy turaqty, kirister turǵysynan ilgerileý bar, al tapshylyq tómendep keledi. Búdjettik quraldar ekonomıkany ártaraptandyrý, jumyspen qamtýdyń ósýin qosa alǵanda birneshe mindetti sheshýge qaıta baǵdarlandy. Bul – «Nurly jol» baǵdarlamasy arqyly daǵdarysqa qarsy sharalardy qoldaý, jergilikti búdjetterge beriletin transfertter arqyly óńirlerdi damytýǵa járdem kórsetý», - deıdi Baqyt Sultanov.

Mınıstrdiń aıtýynsha, jyl basynan beri búdjettik uıymdar qyzmetkerleriniń jalaqysy men stýdentterdiń stıpendıalary kóterildi. Zeınetaqy men basqa da áleýmettik tólemderdi ındensaksıalaý saqtalyp otyr.

Elbasy qarjy mınıstrinen elimizde jekeshelendirýdiń qalaı júrgizilip jatqanyn surady. Mınıstrdiń aıtýynsha, 299 nysan jekeshelendirildi, odan barlyǵy 85,5 mlrd teńge qarjy tústi.

«Barlyǵy qazir bergisi kelmeı, tyrysyp, ustap qalǵysy keledi. Baǵdarlamany oryndaý úshin bar kúshti salyp, jumys júrgizý kerek. 1991-1995 jyldary ótkizilgen jekeshelendirý qazirgiden jeńil ótti dep sanaımyn. Jekeshelendirýge qarsy turmaý kerek. Onsyz ekonomıka ári qaraı qozǵalmaıdy. Tek qana qajetti máseleler bolsa jaraıdy, basqanyń barlyǵy jekeniń qolynda bolýy kerek. Sonda ǵana bizdiń bıznes órkendep-ósedi», - deıdi memleket basshysy.