Tamyz aıynda elimizde munaı óńdeý byltyrǵa qaraǵanda 14,2 paıyzǵa tómen boldy, - dep habarlaıdy Qamshy.kz QazAqparatqa silteme jasap.

Aldyn ala málimetter boıynsha, 2016 jyldyń tamyz aıynda Qazaqstanda 1 mln. 283 myń tonna munaı óńdeldi. 

Bul 2015 jyldyń osy kezeńimen salystyrǵanda 14,2 paıyzǵa tómen. Bul týraly «Munaı jáne gaz aqparattyq taldaý ortalyǵy» AQ baspasóz qyzmetinen habarlandy.

Aıta keterligi, ortalyqtyń málimetterine qaraǵanda, esepti kezeńde elimizde benzın órdirý - 241,4 myń tonnany, avıakerosın  - 17,9 myń tonnany, dızeldik otyn óndirý - 395,8 myń tonnany quraǵan. Sonymen qatar, tamyz aıynda «TeńizSHevroıl» munaı óndirý kólemi aldyńǵy aımen salystyrǵanda 50,8 paıyzǵa tómendegen. Bul kórsetkish negizinen ekinshi býyndyq zaýyttyń josparly kúrdeli jóndeý júrgizýine baılanysty týyndap otyr. Zaýyttaǵy jóndeý jumystary 1 tamyzda bastalǵan. Bul 45 kúnge jalǵasady dep kútiledi.

«Energetıka mınıstri Qanat Bozymbaevtyń sózine qaraǵanda, Qarashyǵanaq ken ornynda aldaǵy ýaqytta iri gaz óńdeý kesheni boı kóteretini josparlanǵan. Mundaı keshen Qazaqstan úshin álemdik naryqtaǵy qubylmalylyqqa qarsy táýekelderdiń aldyn alý quraly bolyp tabylady», - delingen baspasóz baıanynda.