Men birneshe kitaptyń avtorymyn. Jazýshylar Odaǵyna múshe bolaıyn-aq deımin. Biraq birneshe jyl boldy, almaıdy. Sebebin surasam, nege almaıtynyn eshkim naqty aıtpaıdy. «Tóraǵa keıin syrǵytty» deıdi.

Qalamgerlerdiń alqaly jıynynda aqsaqal jazýshy qujatyn jıyrma jyl buryn ótkizgen aýdarmashy kelinshektiń múshelik bıletin kúte-kúte qartaıǵanyn aıtyp edi. Men de bir bıletke jete almaı shal atanatyn shyǵarmyn. Keıbireýlerdiń osy Odaqqa qujattaryn ótkizgen kúıi «Sen Jazýshylar Odaǵynyń músheligine qabyldandyń» degen jańalyqty estı almaı, o dúnıege attanyp ta ketkenin de bilemiz.

Jalpy Jazýshylar Odaǵyna múshelikten úmitkerlerdiń qujattaryn kimder saralaıdy? Bireýler «Eshkim saralamaıdy, jalǵyz tóraǵanyń qolynan ótedi. On jetidegi jas qyzdar rý jaqyndyǵynyń arqasynda pyshaqtyń qyryndaı óleńder jınaǵymen ótip ketti ǵoı» deıdi. Qaısysyna senemin?

Qabilet, daryny shamaly bolsa da jasy jıyrma beske jetpeı-aq múshelik bıletin ustap júrgenderdi kórgende qyzyǵyp qalamyn. Men de solar sıaqty nege múshe emespin dep.

Bul múshelikke ótýdiń bir qupıasy bar sıaqty. Men bilmeıtin qupıa. Bálkim siz biletin shyǵarsyz. Bilseńiz, maǵan túsindirip berińizshi.

Erden Qoǵamov