Jýyrda shet el ǵalymdary ofıstegi aýanyń adam densaýlyǵyna tıgizetin áserine qatysty zertteý júrgizip, nátıjesinde kompúterler shoǵyrlanǵan bólmeniń mı jumysyn nasharlatyp, ómir jasqa da keri áser tıgizetini dáleldedi.  

Qala turǵyndarynyń 80 paıyzy ómirin negizinen jabyq mekeme ishinde ótkizetini málim. Avtokólikteri aǵylǵan kóshege qaraǵanda ofıstiń ishi adamǵa anaǵurlym jaıly ári aýasy da tazaraq dep oılaıdy keıbireýler. Biraq eń taza degen mekemeniń ózi bizdiń densaýlyǵymyzdy bildirteı qurtatyn faktor eken. Búginde ofıs ataýly hımıa aralas qurylys materıaldarynan jasalyp, zamanaýı tehnıkamen jabdyqtalǵan. Al osy tehnıka men jasandy qurylys materıaldarynan bólinetin ýly zattar ondaǵy qyzmetkerlerdiń aǵzasyna orasan nuqsan keltiredi.

Open plan formatyndaǵy, ıaǵnı kóp adam bir jerde shoǵyrlanyp jumys isteıtin ashyq túrde ofısterdegi aýa mekemeniń basqa túrlerine qaraǵanda kóbirek lastanady.

Ǵalymdar mynandaı zertteý júrgizipti.

Bir ofıstiń qyzmetkerlerin eki topqa bólip, ártúrli mekemege ornalastyrǵan. Bir mekemeniń ishin kún saıyn jýyp, tazalyq jumystaryn júrgizip otyrǵan. Al ekinshi mekemege esh ózgeris engizbegen. Tipti aýasyn da jeldetpegen.

 Nátıjesinde aýasy jıi-jıi jeldetilip, kún saıyn tazalyq ornatylǵan ofıstegi qyzmetkerler tazalyǵy joq ofıstegi áriptesterine qaraǵanda eki ese kóp jumys istep, eńbek ónimdiligi jaqsy bolǵan.

Qorytyndy: Las ofıs qyzmetkerdiń mı jumysyn tejeıtin basty faktor eken.

Ázirlegen: Dana Qamshybek